"عمري ما حسيت إنك مش أبويا".. هنا الزاهد تنعى طلعت زكريا

05:03 ص الأربعاء 09 أكتوبر 2019
"عمري ما حسيت إنك مش أبويا".. هنا الزاهد تنعى طلعت زكريا

هنا الزاهد و طلعت زكريا

القاهرة- مصراوي:

نشرت الفنانة هنا الزاهد، عبر حسابها الشخصي بـ"إنستجرام"ـ صورة جمعتها بالفنان الراحل طلعت زكريا.

وكتبت هنا: "دي آخر صورة اتصورتها في كتب كتابي مع أبويا وحبيبي وسندي اللي كبرت معاه سنين. أنا فاتحة الصورة دي من بدري وعايزة أقولك إنك ربنا هيدخلك الجنة يا أطيب خلق الله إنت ربيت ٣ بنات كأنك أبوهم وأكتر. أنا عايزة أقولك إني معرفتش كلمة بابا غير وأنا معاك. عمري ما قولت أصلا تقريبا بابا غير ليك. كنت بجري عليك أول معمل حاجة غلط عشان تدافع عني قدام ماما. فاكرة أول بيض أومليت وقولتلي اعملي مطعم "بالهنا والشفا" وإديتني ١٠٠ جنيه عشان تشجعني أطبخ".

وتابعت: "كنت دايما تقولي إنتي هتبقى حاجة كبيرة وكنت بتشجعني. كنت فخور بيا لما اتخرجت وعيطت اليوم ده. أنا عمري ما حسيت إنك مش أبويا اللي مخلفني. أنا مش مصدقة إني مش هشوفك تاني وأقولك زازي يا زازي.. نفسي ترجع وأقولك قد إيه إحنا بنحبك كلنا وأقولك إنك أعظم ممثل. أنا بحبك أوي ومكنتش أعرف إني بحبك أوي كده. هتوحشني يا أحن إنسان عرفته في حياتي. أرجو الدعاء".

ورحل الفنان طلعت زكريا، مساء أمس بعد صراع مع المرض عن عمر يناهز 59 عامًا.

View this post on Instagram

A post shared by هنا الزاهد (@hannahelzahed) on

كورونا.. لحظة بلحظة

كورونا فى مصر

  • 83930

    عدد المصابين

  • 25544

    عدد المتعافين

  • 4008

    عدد الوفيات

كورونا فى العالم

  • 13374200

    عدد المصابين

  • 7814762

    عدد المتعافين

  • 578470

    عدد الوفيات

إعلان

إعلان