"أول ما برتاح لحد بشتمه".. أبرز تصريحات يسرا اللوزي في "سهرانين"

حلت الفنانة يسرا اللوزي، ضيفة على برنامج "سهرانين" مع أمير كرارة، المعروض على قناة "On E"، وفي السطور التالية أبرز تصريحاتها..

- دوري في "كلبش 3" كان مريح، واللي كان عاجبني في الشخصية إنه مكنش مركز على دوري كأنثى والاهتمام بالشكل بس بل بالشخصية نفسها ومش مطلعني بنت هبلة.

- "ذكية ولماحة وعندها ضمير وتهتم بالناس".. دي جوانب إحنا في التصوير كبنات بنتظلم فيها، لأنهم بيركزوا معانا على الشكل فقط.

- كنت قلقانة من النضارة في "كلبش3" لإن شكلها كان عبيط وكانت بتزغللي عينيا.

- "أول ما برتاح لحد بشتمه.. أبويا دكتور في الجامعة الأمريكية ولما بيحب حد من الطلبة بيشتمه، ودي محبة.

- "مش بحب أشارك في عملين في وقت واحد، عشان بهدلة التصوير، لكن لو دورين استفزوني لتقديمهم بعملهم".

- في مسلسل "قمر هادي" مع هاني سلامة، مكنتش بلبس نضارة وركبت بروكة لشعري عشان الدور.

- "لو حد حاول يتحرش بيا في الشارع، هضربه بركبتي، زي ما عملت في إسلام جمال ضمن أحداث مسلسل (كلبش 3)".