• رنا سماحة وكارمن وزوجها في حفل خطوبة مينا عطا

    01:47 م الخميس 09 أغسطس 2018

    كتبت- سما جابر:

    احتفل المطرب مينا عطا، أحد متسابقي برنامج اكتشاف المواهب "ستار أكاديمي"، بخطبته مساء أمس الأربعاء، وسط عدد كبير من أصدقائه بالوسط الفني.

    وتداول عدد من رواد مواقع التواصل الاجتماعي مجموعة صور من حفل الخطوبة التي حضرها مجموعة من نجوم الفن ومن بينهم كارمن سليمان وزوجها الملحن مصطفى جاد، ومحمد شاهين ورنا سماحة وشيرين يحيى ومحمد سراج وغيرهم.

    يُذكر أن "عطا" قد نشر بالأمس صورة تجمعه بخطيبته، وعلق عليها برسالة طويلة، حيث قال: "فاكرين يوم ما غنيت في ستار أكاديمي أغنية لا تروحي، وكانت أمنيتي إن البنت الوحيدة اللي حبتها في حياتي ترجع لي ونكمل حياتنا سوا!".

    وأضاف: "الحمد لله من نعم ربنا عليا النهاردة اني أقدر أقول إننا رجعنا لبعض واتخطبنا كمان وفرحنا بإذن الله قرب.. أولاً عاوز دعوة حلوة منكم لينا وثانياً هما كلمتين.. لو ليك هدف، أمنية، حلم، امسك فيه بإيديك وسنانك واوعى تقول مستحيل أو مش هيحصل لأن ربنا كبير أوي وعالم بنيتك وحالك وبيديك دايماً اللي أنت محتاجه والمناسب ليك في الوقت المناسب".

    وتابع: "أما بالنسبة للـ11 سنة حب واللي استحملتني كتير ووقفت جنبي زمان كتيير أوي قبل أي شهرة وقبل كل حاجة أيام ما كانت بجد الحياة سودة ومتقفلة في وشي ومش عارف أحقق أي حاجة.. أحب اقول لك لو لفيت الدنيا كلها والله العظيم عمري ما هلاقي زيك وعمري ما حبيت ولا هحب ولا عرفت حب بجد يعني إيه غير معاكي، انتي كل حاجة في حياتي، بحبك".

    إعلان

    إعلان

    إعلان