"بعد استعراضه لأسطول سياراته.. سما المصري توجه رسالة لـ"محمد رمضان

10:54 ص الأحد 13 مايو 2018
"بعد استعراضه لأسطول سياراته.. سما المصري توجه رسالة لـ"محمد رمضان

كتب- محمد مجدي:

وجهت الفنانة الاستعراضية سما المصري رسالة للنجم محمد رمضان، بعد أن نشر مقطع فيديو لمجموعة من سياراته الفارهة، عبر صفحتها الشخصية بموقع تبادل الصور والفيديوهات "إنستجرام".

ونشرت "سما" صورة لمحمد رمضان وكتبت عليها قائلة: "بص يا محمد إنت نجم ونجم كبير مش صغير والناس بتحبك عشان إنت فعلا تعبت والشباب نفسها تبقي زيك في كفاحك ونجوميتك وجمهورك من الغلابه اللي شايفينك قدوة ليهم بلاش تجرح مشاعر الغلابة دول بتصويرك كل شوية للعربيات اللي عندك".

وتابعت:" ربنا يديك أكتر وأكتر عربيات وفيلل وكل حاجه حلوة إنت تعبت وتستاهل بس راعي ظروف الشباب الغلبان اللي بيحبك إنهم يا عيني ظروفهم مش مساعداهم إنهم حتي يتجوزوا بسبب ظروف البلد.. خليك دايما واحد منهم حتة منهم ذي ما هم شايفينك دايما يا سيدي داري علي شمعتك تقيد".

وأضافت:" في ناس بتحقد كتير وعينها وحشة والناس التانية غلابة ونفسهم في لقمة عيش حاف، خاف علي مشاعرهم شوية أنا عارفة إنك تتمني لكل الناس الخير وبتحب جمهورك ومش قصدك تجرحه بس الغلابة ما بيحسبوهاش كده".

وتابعت:" خليك دايما عندهم أسطورة بفنك مش أسطورة بعربياتك.. إنت جدع وابن بلد وربنا هيديك من خيره أكتر وأكتر بس خلي بالك من الغلابة وظروفهم والشباب التعبانة اللي نفسها تفرح ومش عارفة.. ربنا معاك".

لا

إعلان

إعلان

إعلان