إعلان

محمد نجاتي عن تسببه في انفصال منة عرفة: "أنا مش حاسس بالذنب"

01:12 م الإثنين 11 أبريل 2022

كتب- هاني صابر:

تحدث الفنان محمد نجاتي، عن اتهام البعض له بتسببه في انفصال الفنانة منة عرفة وزوجها محمود المهدي.

وقال نجاتي، ببرنامج "كلام الناس": "أنا مش حاسس بالذنب لأني معملتش أي حاجة، والذنب ده لما أكون عملت حاجة، وهي طلبت حاجة وأنا نفذتها، وده مسلسل البحث عن التريند، وفي الحلقة الأخيرة للبحث عن التريند حصل تطاول على الأستاذة الكبيرة إلهام شاهين وأستاذنا الكبير ونقيبنا المحترم الدكتور أشرف زكي استفزني جدا، وده خلاني أقول (مش كل حد عايز يشتهر يشتم نجم) ".

وأضاف: "احنا بقينا في زمن التريندات، وممكن تعملي إشاعة، والعالم كله يتكلم عنك وأجرك يزيد، ومنة عرفة جات قالتلي (يا محمد أنا مش عايزة أتشال.. دي مش في آليات الفن، طالما انتي قابلة تدخلي الفن يبقى قابلة كل آلياتها)، ولو شايفة الدور فيه حاجات أوفر تقدري تقولي لأ قبل ما تدخلي العمل نفسه ومحددة هتعملي إيه ومش هتعملي إيه، لكن تفاجئيني هعمل كذا ومش هعمل كذا فدي حاجة مش مقبولة أوي، وأنا راعيت أنها مكتوب كتابها وقولتلها خلاص مش قضية".

يذكر أن محمد نجاتي انتهى مؤخرا من تصوير مسلسل"ولهان"، ويشاركه في البطولة النجوم: منذر رياحنة، محمد رضا، ريم أحمد، حامد الشراب، إيمان رجائي، خالد محروس، بسنت النبراوي، وفاء السيد، شروق، وآخرون، مدير تصوير د. أحمد حسين، مهندس ديكور سامح بدر، إشراف فني محمد أبوالعلا، سيناريو وحوار ورشة Big pen، إشراف عام محمود أبوالعلا وعبدالرحمن أبوالعلا، وإنتاج شركة جولدن xyz جروب للإنتاج الفني والتوزيع، ومن إخراج بلال العربي.

فيديو قد يعجبك: