إعلان

سلمى أبو ضيف: غادة عبدالرازق مؤمنة بيا.. وحبيت دوري في "تحت الحزام"

09:00 ص السبت 03 ديسمبر 2022

كتبت- منى الموجي:

قالت الفنانة الشابة سلمى أبو ضيف إنها تجسد دور فتاة تُدعى أميرة، في أحداث حكايتها "تحت الحزام" التي ستُعرض ضمن حكايات مسلسل "حدث بالفعل" والذي يجمعها للمرة الثانية بالنجمة غادة عبدالرازق، وتدور أحداثه عن أمراض نفسية مختلفة، في محاولة لزيادة وعي المجتمع بالتعامل مع المصابين بهذه الأمراض.

وتابعت في تصريحات خاصة لـ"مصراوي": "أميرة فتاة في آخر العشرينيات، زي ما قلنا هو مسلسل بيحكي عن الحالات النفسية اللي ممكن بيمر بيها البني آدم، يعني الطفولة بتشكله إزاي وبيتأثر بيها إزاي، وحبيت الدور لإنه بيمر بكذا فترة، لما الواحد بيتعالج بيبقى عامل إزاي وقبل ما يتعالج لو مطلبش مساعدة بيبقى عامل إزاي، فيها مناقشة وإشارة إلى أن الاهتمام بالحالة النفسية شيء كويس".

وعن تعاونها للمرة الثانية مع غادة، قالت "هي في حتة لوحدها، ومبسوطة اني شفتها تاني، وقالتلي كلام جميل شجعني وبسطني، لأنها من الناس اللي اشتغلت معاها ومؤمنة بيا وتدفعني لمكانة أحسن".

"حدث بالفعل" تأليف فادي النجار، إخراج محمد هشام الرشيدي.

سوق مصراوى

فيديو قد يعجبك:

محتوي مدفوع

إعلان

El Market