أطباق مصراوى لافطار اليوم: البيايا الأسبانى وقطايف بالقشطة

هل مللتى من تناول اللحوم والدواجن على الافطار؟ اذا ماذا عن تناول الأسماك. اليك طريقة جديدة لعمل وجبة أسبانية مميزة

أطباق مصراوى لافطار اليوم:
خشاف بقمر الدين
البايلا او البيايا الأسبانى
قطايف بالقشطة

خشاف بقمر الدين

وقت التحضير : 15 دقيقة
وقت الطهي : 30 دقيقة
الوقت الكلى : 45 دقيقة

عدد الاشخاص: 8

المقادير

• 2 2.8 x كوب ماء
• 1 ½ x معلقة صغيرة لوز (مجروش)
• 1 ½ x معلقة صغيرة صنوبر
• 1 ½ x معلقة صغيرة جوزهند (مبشور)
• 1 ½ x معلقة صغيرة فستق (مجروش)
• 0.8 x معلقة صغيرة نشا
• ½ x كوب سكر
• ½ x كيلو قمر الدين
• ½ x معلقة صغيرة فانيليا
• 0.2 x كيلو مشمشية
• 0.2 x كيلو قرصيا

الخطوات

1. هنقطع قمر الدين قطع صغيرة ونصب عليه ماء ساخن ونسيبه منقوع فى الماء لمدة يوم.
2. فى حلة على نار هادية هنسلق المشمش المجفف فى كمية قليلة من الماء وهنضيف عليه نصف معلقة صغيرة فانيليا ونقلب لحد ما حبات المشمش تبقى لينة.
3. لو القراصية جافة وغير لينة هنسلقها فى نفس الماء حوالى 5 دقائق وبعد كده نصفيها من الماء.
4. في الخلاط هنضرب قمر الدين مع ماء النقع مع السكر والنشا حتى نحصل على قوام ناعم.
5. فى حلة على نار هادية هنضيف خليط قمر الدين ونقلبه لحد ما يبدأ يغلى.
6. هنضيف المشمش والقراصية ونقلب كويس وبعدين نصب الخشاف فى بولة التقديم ويدخل الثلاجة لمدة طويلة لحد ما يبرد.
7. هنرش المكسرات على سطح الخليط قبل التقديم.. بالهنا والشفا.

البايلا او البيايا الأسبانى

وقت التحضير : 15 دقيقة
وقت الطهي : 30 دقيقة
الوقت الكلى : 45 دقيقة

عدد الاشخاص: 4

• 2 ⅔ x معلقة كبيرة زيت زيتون (أو زيت نباتى)
• 3 x عدد فص ثوم مهروس
• 1 ⅓ x لتر مرقة السمك
• 1 ⅓ x كوب أرز بسمتى (أو أرز مصرى)
• ⅔ x كيلو جمبرى (جامبو أو وسط بقشرة)
• ⅔ x كوب بسلة (مسلوقة)
• 1 x عدد بصلة مفرومة
• ⅔ x معلقة صغيرة ملح (أو حسب الرغبة)
• ⅔ x معلقة صغيرة قشر ليمون
• ⅔ x رشة زعفران
• ⅓ x كيلو سمك فيليه (شرائح)
• ⅓ x معلقة صغيرة فلفل اسود مطحون (أو حسب الرغبة)
• ⅓ x كيلو بلح البحر
• ⅓ x كوب فلفل أخضر حلو (مقطع مكعبات)
• ⅓ x كوب فلفل أحمر حلو (مقطع مكعبات)
• ⅓ x كوب صلصة طماطم
• ⅓ x كيلو كاليمارى (شرائح)
• ⅓ x كيلو جمبرى (صغير مقشر)
• ⅙ x معلقة صغيرة ألوان طعام طبيعية (لون اصفر)

الخطوات

1. فى طاسة عميقة وكبيرة على النار هنضع الزيت ثم البصل ونشوح ثم نضع الثوم المفروم ونشوح.
2. ثم نضيف الفلفل الملون ونشوح كله مع بعض وفى الاخر نضيف بشر قشر الليمون ونقلب جيدا.
3. هنرفع شرائح الفلفل الى بالطول نرفعها من النار ونترك باقى كمية الفلفل هنرفعهم فقط علشان ميتهروش ونزين بيهم فى الاخر.
4. بعد ما المكونات تتشوح تماما هننزل بالسبيط والكاليمارى والجمبرى المقشر ونقلب جيدا.
5. ثم نضع صدور الدجاج ونقلب جيدا ثم البسلة المسلوقة ونقلب ثم نضع الأرز المغسول .
6. يشوح الأرز مع كل المكونات فترة كافية حتى تغلق مسام الأرز وحبات الأرز تفصل عن بعضها حتى نضيف المرق ولا يتعجن الأرز.
7. تتبل المكونات بالملح والفلفل الاسود والزعفران واللون المخصص للطعام ونقلب جيدا.
8. بعد ما كل المكونات تشوح جيدا مع التقليب المستمر نضيف صلصة الطماطم ونقلب جيدا حتى تختلط بجميع المكونات.
9. نضع نصف مقدار الصدفيات من بلح بحر وقواقع و الجمبرى الجامبو بقشرة ونقلب جيدا.
10. نبدأ برص باقى اللكمية من الصدفيات والجمبرى الجامبو والفلفل الشرائح بشكل جمالى فوق الطبق بشكل متسلسل وراء بعضة.
11. يضاف مرق السمك ولو غير متاح نضيف مياة لكن مرق السمك سوف يعطى نكهة.
12. يوضع على نار هادئة تماما ويترك عشر دقائق . البايلا لا تقلب نهائى لكن كل دقيقتين تهز الطاسة جيدا حتى لا يحترق الأرز .
13. ثم تغطى بغطاء الطاسة يكون محكم أو بورق فويل بشكل محكم وترفع من على النار وتترك كى تتشرب باقى المرق وتكمل سواها على البخار الموجود بداخل الطاسة. ثم تقدم . تقدم ساخنة أو دافئة. بالهنا والشفا

قطايف بالقشطة

وقت التحضير : 1 ساعة 10 دقائق
وقت الطهي : 15 دقيقة
الوقت الكلى : 1 ساعة 25 دقيقة

عدد الاشخاص: 4

المقادير

• 3 x كوب ماء
• 1 ½ x كوب دقيق
• 1 x معلقة كبيرة خميرة
• ½ x كوب سميد (ناعم)
• ½ x معلقة صغيرة باكينج بودر

الخطوات

1. أول حاجة هنخلط الدقيق والسميد والخميرة والباكينج بودر مع بعض كويس جدا والأفضل ننخلهم.
2. بعد كده هنضيف كوب ماء ونقلب كويس جدا وبعدين نضيف كوب تانى ونقلب وبعد كده هنضيف أخر كوب ونقلب كويس.
3. بعد كده هنغطى البولة ونسيبها ساعة علشان العجينة تخمر.
4. هنسخن طاسة على النار وهنصب عليها العجين بأى معيار على حسب المقاس اللى عايزينه.
5. اول ما يظهر على العجين فقاقيع كتير واللمعة بتاعته تروح كده تبقى القطايف استوت.
6. هنفرش القطايف على صينية تبرد وبعد كده هنحشيها بالقشطة وهنقفلها بالضغط على الأطراف وممكن نرش عليها فستق مبشور وعسل وبكده تبقى جاهزة للتقديم.