تامر حسني يكشف سر سعادته بأغنية فيلم "بحبك"

كتبت- منى الموجي:

يواصل الفنان تامر حسني العمل على تفاصيل فيلمه الجديد "بحبك"، والذي يخوض من خلاله تجربة الإخراج السينمائي للمرة الأولى.

ونشر تامر صورة له من داخل الاستديو، عبر موقع "انستجرام"، معلنا تسجيله أغنية ستكون ضمن أحداث الفيلم، معلقا "نهاركم عسل يا ناس يا عسل، دلوقتي بسجل أغنية فيلم (بحبك)، ومبسوط بيها أوي عشان فعلاً هتخصكوا جامد".

وكان تامر حسني، كتب تدوينة سابقة عبر حسابه على إنستجرام، وعلق: "الفيلم أكيد فيه ضحك بس في إطار رومانسي بحت مش موجود بقاله كتير.. اتشرفت بمشاركة نجمة اليوم والمستقبل الجميلة هنا الزاهد، ومبسوط إني أول من اكتشفها في بداية حياتها، وفي الفيلم دا بكتشفها تاني وبقدمها بشكل جديد عليها وعليكم، ومبسوط جداً لمشاركة حبيب قلبي نجم الكوميديا الكبير حمدي الميرغني اللي هيعمل إن شاء الله شغل رهيب في الفيلم كعادته الجميلة، وللأسف لسه مصورش علشان أنزل صورة بس في أول يوم تصوير له ههريه صور".

وأضاف: "الفيلم من إنتاج حبايب قلبي وأصدقاء العمر سينرچي أحمد بدوي، تي إيتش برودكشن حسام حسني، سكاي ليميت أحمد الدسوقي".