رامي صبري لـ"مصراوي": "المنافسة لا تشغلني".. وعندي ثقة بالجمهور

كتب- هاني صابر:

قال المطرب رامي صبري إنه لا يضع المنافسة في حساباته: "المنافسة لا تشغلني بجد"، موضحًا أن كل فنان له شكله وصوته والكاريزما الخاصة به، بالإضافة إلى نجاحه وجمهوره.

وأضاف رامي لـ"مصراوي": "عندي ثقة كبيرة بالجمهور، لإني بحس دايمًا إني في حتة لوحدي، وكل واحد فينا كفنانين بيشتغل ويجتهد في طريقه، المنافسة جميلة، لأنها بتخلي المزيكا أحلى، وإننا نعمل ألبومات جيدة تليق بالجمهور العظيم والمتذوق للفن، والمنافسة يستفيد منها الجمهور المستمع للمزيكا، وفي النهاية مش بعمل الأغنية عشان أنافس حد".

ويضم ألبوم رامي صبري الجديد "فارق معاك" 12 أغنية: "بتاع بنات، أنا بابا، حاول تنساني، وقولت اللي عندي، هو في كدة، بقابل ناس، أنا بعترفلك، وصعبان عليا، وعجبي، وحكاية حبنا، وبتهتمي، وفارق معاك".