إعلان

"يوسف داود فرق بيننا".. نعيم عيسى يوجه رسالة لعادل إمام

11:42 م الأحد 14 أغسطس 2022

كتب- عبد الفتاح العجمي:

قال الفنان القدير نعيم عيسى، إنه يفرح للغاية حينما يتذكر الجمهور أحد أدواره، ومن بينها دور المأذون في مسرحية "الواد سيد الشغال" (1985) مع الزعيم عادل إمام.

وبدأ عيسى، حواره من منزله بالإسكندرية مع الإعلامي عمرو الليثي ببرنامج "واحد من الناس" عبر قناة "الحياة"، بالجملة الشهيرة التي قالها خلال المسرحية "لابد أن يدخل بها" بطريقته الخاصة.

أضاف أنه تعاون كثيرا مع عادل إمام في أعماله، متابعا: "عادل كان بيحبني وبيعزني وأنا كمان كنت بحبه، لحد ما ظهر في سكتنا يوسف داود، فبدأ يبعدني شوية كده ويشغل يوسف داود، واستمر معاه".

استكمل: "أنا مش زعلان بس واخد على خاطري منه، يعني بعد الحب اللي حبهولي واللي حبتهوله لما يسيبني ويتجه لممثل تاني دي حاجة زعلتني شوية، لكن لم أعاتبه، مقدرش أزعله، ده بطل عظيم وكبير ومين يقدر يزعله، وإن مشتغلتش معاه هشتغل مع غيره".

استطرد: "هو مكلمنيش ولا سأل عليّا، وأنا برضو مسألتش عليه طالما مسألش عليّا، وأنا بقوله ربنا يقويك ويديك الصحة والعافية ويخليك لينا وللدنيا كلها، أنت تتحب وكوميديان عظيم وفنان كبير".

نعيم عيسى من مواليد 6 يناير 1937، التحق بفرقة مدبولي وفرقة الإسكندرية في بداية حياته الفنية، ليشارك بعدها في العديد من المسرحيات منها "الزمبليطة في الصالون، ناس كده وكده، ريا وسكينة، الواد سيد الشغال"، ثم انتقل للعمل في السينما والتلفزيون ومن أبرز أعماله: "المتسول، مين فينا الحرامي، الباشا تلميذ"، ويبتعد عن الشاشة منذ سنوات.

أفضل 4 عطور للرجال و أسعارها

تعرف عليها
محتوي مدفوع

إعلان

El Market