"ماحدش بعتلي ولا صورة".. صدمة فنان شاب بسبب عدم ظهوره في فيلم "واحد تاني"

كتب- وائل توفيق:

قال الفنان الشاب أكرم عماد، إنه شارك في فيلم "واحد تاني" مع النجم أحمد حلمي، وفوجئ بحذف مشاهده مع طرح الفيلم بدور العرض السينمائية.

ونشر أكرم، صورا له من كواليس تصوير فيلم "واحد تاني" عبر حسابه بموقع "فيسبوك"، وعلّق: "صديق ليا امبارح قالي إنه دخل فيلم واحد تاني وقالي إني ماظهرتش فيه.. افتكرته بيهزر بس بعد ما فكرت لمدة دقيقة إن ماحدش بعتلي ولا صورة ليا لحد دلوقتي ابتديت أتضايق واتصدمت لما حسيت إن كلامه حقيقي.. والنهاردة صديق تاني ليا حضر الفيلم وأكدلي إني مش فيه".

أضاف: "أنا متفهم إن الحاجات ديه بتحصل والحمد لله على كل شيء.. أنا بعتذر للناس اللي دخلت الفيلم وكانت منتظرة تشوفني بس والله حاجة مش بإيدي.. وبإذن الله تتعوض في حاجات تانية، وأنا متفهم الموضوع ويمكن شوية وأبدأ أهزر عاللي حصل".

وكان أكرم عماد، نشر قبل أيام مقطع فيديو مع الفنان أحمد حلمي، وعلّق: "بعد ما صورنا قولتله في بنت صديقتي بتحبك جدا جدا، وبنعتبرها التوب فان ليك، ممكن تسجلها فويس تقولها فيه أي حاجة، قالي طب تعالى ورايا، دخلت معاه أوضته وقالي تعالى نصورلها فيديو".

وتابع موجهًا رسالة إلى الفنان أحمد حلمي: "أنا كنت بحبك.. بقيت بحبك أوي".

فيلم "واحد تاني" بطولة: أحمد حلمي، روبي، سيد رجب، عمرو عبدالجليل، نسرين أمين، أحمد مالك، نور إيهاب، محمد التاجي، عمرو وهبة، وعدد من ضيوف الشرف، وهو من تأليف هيثم دبور، وإخراج محمد شاكر خضير.