• "كنت زي المسحور".. عمرو سعد يكشف تفاصيل أحد مشاهد "دكان شحاتة"

    04:42 م الأحد 18 أغسطس 2019
    "كنت زي المسحور".. عمرو سعد يكشف تفاصيل أحد مشاهد "دكان شحاتة"

    عمرو سعد

    كتبت- ياسمين الشرقاوي:

    استعاد الفنان عمرو سعد ذكرياته مع أحد مشاهد فيلمه "دكان شحاتة"، عبر حسابه بموقع الصور والفيديوهات الشهير "انستجرام"، وروى لأول مرة التفاصيل الكاملة عن مشهد اعتبره من أكثر المشاهد التي عبر عنها بإحساس.

    وتعليقًا على صورة له من الفيلم كتب "سعد"، يومها طلبت من المخرج إني أركز لوحدي تمامًا وهو في نفس الوقت بدأ يحضر المشهد وطلب من الجميع الهدوء، أخدت ساعة تقريبًا لغاية ما هزيت راسي إني جاهز واتحركت ناحية مكان التصوير وفجأة وأنا في الطريق شوفت الدكان المقفول لقيت نفسي باتحرك زي المسحور ناحيته".

    وأضاف: "المخرج خالد يوسف فهم بسرعة إن في حاجة هاتحصل وقرب ناحيتي وبص بهدوء وقاللي عاوز إيه؟!.. شاورت على الدكان المقفول ورغم إنه كان جاهز لمشهد في مكان تاني إلا إنه جري بسرعة وحرك كل اللوكيشن والإضاءة ناحيتي وصرخ للكاميرا تدور بسرعة وصور فعلًا المشهد ده".

    وتابع: "النهاردة عدى عشر سنين على اليوم ده وطول الوقت الناس بتفكرني بالمشهد ده، وكأنه خرج من ذاكرتي لذاكرتهم هما وهو ده اللي طول الوقت باتمناه وبادعي ربنا إني أعمل حاجة تعيش ويفتكرها الناس بعد ما أكون مشيت أو توصل بصدق، دعواتكم إني أعرف أعمل ده والمشاهد اللي تعبت فيها، تكون جزء من الذاكرة مش تبقى لحظة وخلاص".

    فيلم "دكان شحاتة" تم عرضه عام 2009، وحقق نجاحًا جماهيريًا حينها، بطولة عمرو سعد، محمود حميدة، هيفاء وهبي، غادة عبدالرازق، عمرو عبدالجليل، طارق عبدالعزيز، وعبدالعزيز مخيون وإخراج خالد يوسف.

    عمرو يوسف

    إعلان

    إعلان

    إعلان