محمد فراج عن فيلم الممر:"حسينا إننا جنود بنحارب على الجبهة "
فيلم الممر
تطبيق مصراوي
لرؤيــــه أصدق للأحــــداث
كتبت- بهيرة فودة:
أعرب الفنان محمد فراج عن سعادته بمشاركته في ملحمة " الممر"، ونشر صورة مجمعة في إطار واحد من كواليس الفيلم، عبر حسابه بموقع "إنستجرام".
وعلق فراج على الصورة قائلًا: "صحيح ٤٦ سنه فاتوا على حرب أكتوبر لكن لما أبتديت تصوير الممر حسيت إن العمر رجع بيا الـ ٤٦ سنه دول".
وتابع فراج:"حسيت أنا و كل كاست الفيلم اللى قدام الكاميرا و اللى وراها إننا جنود مصريين بنحارب على الجبهة، صحيح أنا ماكنتش عايش أيام الحرب الحقيقية لكن ربنا إداني فرصة إني أعيش جزء صغير قوى منها في الفيلم".
وأضاف محمد فراج:" كان شرف كبير ليا إني أساهم ولو بجزء صغير في توثيق العمل البطولي ده و تسجيله في تاريخ السينما المصرية".
واختتم فراج تعليقه:" يارب كل سنه نشوف ممر جديد، يارب كل سنه نشوف عمل بيحكي حكايات ماشوفناهاش ولا سمعناها عن أبطال مصريين اللى استشهد منهم واللي عايش لحد دلوقتى، حكايات لازم تتحكى و توصل للناس و خصوصا للأجيال إلى جاية، عشان احنا عندنا حكايات كتير".
ويٌشارك في بطولة الفيلم النجوم أحمد عز، أحمد رزق، إياد نصار، أحمد فلوكس، محمد فراج، أحمد صلاح حسني، محمد الشرنوبي، محمد جمعة، محمود حافظ، أمير صلاح الدين، أسماء أبو اليزيد.
View this post on Instagram
فيديو قد يعجبك:
