أحمد فهمي: "بهتم بحكم الجمهور وراضي ومرتاح عن القاعدة الجماهيرية اللي عملتها"

كتب – معتز عباس:

قال الفنان أحمد فهمي، أنه يسعى دائمًا لخوض تجارب فنية جديدة ومختلفة، مضيفًا: "أنا أكتر واحد من ساعت ما ظهرت باخد الريسك من أول فيلم اسمه كدا رضا والفكرة وقتها مختلفة".

وأضاف "فهمي"، في لقائه ببرنامج "مساء دي ام سي"، المذاع على فضائية دي ام سي"، مساء الإثنين، قائلًا: "أنا وهشام وشيكو لما طلعنا قدمنا نوع مختلف عن الللي بيظهر كان في أسماء كبيرة في الكوميديا ولو بقيت شبهم هقف في طابور طويل عشان الناس تتفرج عليا".

وتابع: "الحمد لله أنا عملت اسم وقاعدة جماهيرية ومرتاح إلى حد ما، بالعب واشوف واجرب انا عايز انبسط، بهتم بحكم الجمهور لانه هو اللي بيشتري البيت ويدفعلك فاتورة الموبايل وشغلانتنا قايمة على الجمهور ولازم التفريق بين السوشيال ميديا والجمهور الحقيقي".