محمد نور عن ظهوره مع "سمكرى البني آدمين": "طرقع" قدامي 7 من صحابي
كتب : مصراوي
11:13 م
04/09/2021
تابعنا على
كتب- محمد جمعة:
قال الفنان محمد نور، إن صاحب مركز "سمكرى البنى آدمين" سعى للوصول إلى أبطال مسرح مصر لتصويرهم خلال خضوهم لما أسماه بـ"الطرقعة".
وأضاف نور، خلال مداخلة هاتفية مع برنامج "الحكاية" المذاع على فضائية "MBC مصر"، مساء السبت: "الشخص وصلني عبر صديق ليا، كان عايز يطرقعني، وأنا أصلًا من صغري بخاف أطرقع صوابعي".
وتابع: "الراجل جالنا لحد المكتب، وطقع قدامي حوالي 7 من أصحابي، فحسيت إن الموضوع عادي ما نطرقع مش مشكلة".
واستطرد نور: "محصليش حاجة خالص من ساعة الطرقعة، لكن بقالي يومين مرعوب وحاسس بالوجع من الخوف، ومكنتش متصور إن الموضوع يوصل للنصب والحبس".
كانت أجهزة الأمن بالقاهرة، ومباحث الأموال العامة، وإدارة العلاج الحر بوزارة الصحة، أغلقوا وشمعوا بالأمس مقر المركز المملوك لـ"سمكرى البنى آدمين" فى مدينة نصر، حرصًا وحفاظا على صحة المواطنين، وطالبت بالتأكد من هويته ومن ترخيص المكان وترخيص مزاولة المهنة.
