"حسبي الله ونعم الوكيل"..سمير صبري: شائعة وفاتي كانت مأساة كبيرة لأسرتي"

كتب- محمد أبوالمجد:

نفى الفنان سمير صبري، ما تردد حول شائعة وفاته قائلًا: "أنا مردتش مع أي حد على شائعة وفاتي ولكن حسبى الله ونعم الوكيل على القلق اللي اتعمل على أهلي وعلى ابني في لندن"، مضيفًا: "شائعة وفاتي كانت مأساة كبيرة جداً بالنسبة لأسرتي".

وأضاف "صبري" في مداخلة هاتفية لبرنامج "يحدث في مصر" على فضائية "إم بي سي مصر" اليوم الأربعاء: "التليفونات اللي جاتلي من كل حتة في العالم حسستني أني لسة موجود وأن الناس بتحبني وبقول حسبي الله ونعم الوكيل في اللي كتب هذا الخبر الكاذب قبل التحقق منه".

وتابع: "عايز اقول للي كاتب الخبر مستعجل ليه"، موضحًا: "اللي بيكتب أي خبر من غير ما يتحقق منه عيب أوي أوي عليه، لأن اللي أصابنا وأصاب عائلتي وأهلي كتير أوي واللي حواليا مكنوش مستحملين الخبر خاصة أن هناك منهم مسافر خارج مصر، وعموما أنا حسيت أن الناس بتحبني والناس لسه فاكرة سمير صبري منسيهوش وعلى قدر الوحش في جانب كويس سعيد بيه".