"العشرة أقوى من المشاكل".. تفاصيل جلسة الصلح بين نصر محروس وبهاء سلطان
تطبيق مصراوي
لرؤيــــه أصدق للأحــــداث
كتب- محمد أبوالمجد:
استضافت الفنانة إسعاد يونس، كلًا من المخرج نصر محروس، والفنان بهاء سلطان في جلسة الصلح بعد فترة من الخلافات التي كانت بينهما.
وقال المخرج نصر محروس: "دي أحلى قعدة وبهاء حبيبي وصاحبي وعشرة سنين وروح قلبي، وقضينا وقت كبير مع بعض وشقا وبينا أيام لها ذكرياتها وكل دا كان لازم نقف عنده ونقول مفيش حاجة بينا وأننا أقوى من أي مشاكل بينا كانت هتبقى موجودة والحب أقوى من التعاقدات والمشاكل".
ووجه "محروس" رسالة لبهاء سلطان، قائلًا: "أنت خرجت من مشروع تحت ايدي وهتفضل ايدي ممدودالك طول العمر وهتبقى خدامة ليك وعمرها ما تكون ضدك".
ورد "بهاء سلطان" في حواره لبرنامج "صاحبة السعادة" مع الفنانة إسعاد يونس على برنامج "دي إم سي" اليوم الاثنين: "كلامك وسام على راسي وكفايا رأيك فيا يا أستاذ نصر، ومش محتاج حاجة من حضرتك إلا أنك تحكم العشرة اللي بينا والود اللي بينا خلى مفيش مجاملة 1 %".
وأكد "بهاء سلطان": "كنت مع أستاذ نصر من كام يوم وقالي أنا هفضل في ضهرك وأخوك ولو عايز رأيي في أي حاجة هتكون معاك وزي ما الشركة دخلتها وخلتك في مكان مهم وسط المغنين في مصر لازم تخرج منها وأنت واقف على رجلك".
فيديو قد يعجبك:
