إعلان

"مفيش عقد احتكار".. رامي جمال يكشف كواليس أغنيتين مع "المطرب النقاش"

09:48 م السبت 27 أغسطس 2022

كتب- وائل توفيق:

شارك الفنان رامي جمال، جمهوره ومتابعيه، مقطع فيديو ظهر فيه رفقة الشاب أحمد سالم المعروف إعلاميا بـ"المطرب النقاش"، وذلك عبر حسابه بموقع "إنستجرام".

وقال جمال في مقطع الفيديو: "أنا منورني النهاردة الفنان أحمد سامي، علشان بس الناس اللي كانت فاكرة إن إحنا بنضيع وقت، مفيش وقت هيضيع، أنا لسه راجع من السعودية امبارح، بأمر الله تلات أربع أيام هنسمع أغاني من أهم ناس في مصر بأمر الله عشان نختار الأغنيتين، الأغنية بتاعتي أنا وأحمد، والأغنية بتاعته هو لوحده".

أضاف: "إن شاء الله نلاقي الأغنيتين اللي إحنا محتاجينهم في أسرع وقت، وبأمر الله الوعد اللي أنا وعدته ميمنعنيش عنه غير إن عمري يخلص، وأنا ممكن أوصي الناس في المكتب لو عمري خلص يكملوا هم".

وتابع: "أنا بطمن الناس كلها، أحمد بأمر الله هيعمل الأغنتين، وهتستمتعوا بحلاوة صوته، وبقول للناس كلها اللي عايزين أحمد في حاجة، أحمد مضى مع إدارة شركة أعمال، أي حد هيتواصل مع أحمد هيديله رقم الشركة، وأنا في الأغنتين اللي بعملهم مش عايز منه أي حاجة، ولا عمري همضي أحمد عقود احتكار ولا الحاجات دي خالص، لإن اللي بعمله لأحمد واضح إن ربنا كتبله القبول، فأنا هفرح إني هكون بنفذ التساهيل اللي بتحصل لأحمد".

"أحمد" الذي أطلق عليه مؤخرا المطرب النقاش، لاقى إعجاب الكثيرين من نجوم الفن، ومن بينهم رامي جمال الذي تواصل معه بالفعل ووعده بتقديم أغنية له.

View this post on Instagram

A post shared by Ramy Gamal (@ramygamalmusic)

فيديو قد يعجبك: