عشاء مصراوى اليوم... طريقة عمل الزبادي في المنزل

العشاء ما بيكملش من غير الزبادي علشان كده معانا هتعمليه في البيت مش هتشتريه

وقت التحضير : 10 دقائق

وقت الطهي : 10 ساعات

الوقت الكلى : 10 ساعات 10 دقائق

عدد الاشخاص :5

المقادير

• 2 x معلقة كبيرة لبن بدرة
• 1 x لتر حليب كامل الدسم (دافئ)
• 1 x كوب (240 مللى) زبادي (جاهز)
• ½ x معلقة صغيرة عصير ليمون
• اقرأ المزيد من الموضوعات المتعلقة

عشاء مصراوى اليوم .. جبنة قريش بالنعناع

عشاء مصراوى اليوم... بيض بالبسطرمة

الخطوات

1. قومى بتدفئة الفرن قليلا قبل ما نبدأ نجهز الزبادى.
2. فى بولة ضيفى اللبن الدافئ وضيفى عليه اللبن البودرة وقلبيهم جيدا بمضرب بيض لحد ما اللبن البودرة يدوب تماما.
3. ثم ضيفى الزبادى إلى اللبن وقلبيهم جيدا لحد ما الخليط يتجانس.
4. ثم ضيفى قطرتين من عصير الليمون للخليط علشان الزبادى يتماسك وقلبيهم جيدا.
5. ثم صُبى الزبادى فى أوانى فخارية وترص فى الفرن الدافى لمدة 6 ساعات أو لحد ما الزبادى يتماسك، المهم منفتحش عليه قبل 4 ساعات على الأقل.
6. ثم قومى بتغطية الزبادى ونحفظه فى الثلاجة ويقدم بارد.. بالهنا والشفا.

يمكنك متابعة أهم وأحدث المقالات على الفيس بوك عبر صفحة مصراوى - هو وهي