السيسي عن الشائعات المسيئة: "تعملوا في ابن مصر كده؟!"

كتبت - ياسمين محمد:

تحدث الرئيس عبدالفتاح السيسي، عن الشائعات المسيئة للرئاسة والقوات المسلحة والتي ترددت خلال الأيام الماضية، وذلك خلال جلسة "اسأل الرئيس" بختام مؤتمر الشباب الثامن، اليوم السبت.

وقال الرئيس السيسي: "توقفوا أمام الـ10 أيام اللي فاتوا، انتوا اللي كنتوا بتشيروا الكلام.. ده مش عتاب"، مضيفًا ضاحكًا: "أنا بقى باخد حقي دلوقتي".

وأضاف: "اللي يقف في 3 يوليو ويقدم نفسه والجيش وأولاده وأحفاده تعملوا فيه كدا، ابن مصر.. انتوا اللي توزعوا (تشيروا)؟".

ورد المشاركون في الجلسة بالنفي، قبل أن يقاطعهم الرئيس السيسي: "سيبوني بقى، بقول أخد حقي، أنا قصدت بالكلمة دي، مصر مش أنا".

وواصل: "خايفين من التنظيمات؟، ليكوا حق، الإرهاب؟، ليكوا حق، الدول تدخل في بلدكم؟، ليكم كل الحق، بس أنتم صمام الأمان لمصر وشعبها.. محدش يلخبطكوا، يجي اليوم اللي حد يقول فيه فواتير بأكلي وشربي، أنا قلت علشان خاطركم، بس معقول يجي اليوم ده.. يهمني إنكم تفضلوا ثابتين".

وانطلقت صباح اليوم السبت، فعاليات المؤتمر الوطني للشباب في نسخته الثامنة والمنعقد بمركز المنارة للمؤتمرات بالقاهرة الجديدة، بمشاركة الرئيس عبدالفتاح السيسي.

وحضر فعاليات المؤتمر رئيس الوزراء الدكتور مصطفى مدبولي ورئيس مجلس النواب الدكتور على عبدالعال وعدد من الوزراء وكبار رجال الدولة، فضلا عن مشاركة 1600 شاب من مختلف القطاعات في الدولة.

لمتابعة التغطية الخاصة لـ مصراوي لمؤتمر الشباب اضغط هنا