أمير مرتضى منصور عن إمام عاشور: "بيتظاهر أنه أهلاوي"

حل أمير مرتضى منصور المشرف السابق على الكرة بنادي الزمالك، ضيفًا على برنامج "أسرار" تقديم أمير بدر ويعرض يوميًا طوال شهر رمضان على قناة "النهار".

وتحدث "أمير" عن كواليس خروجه من نادي الزمالك، وعن مشاكل تعاقدات اللاعبين خلال الفترة الماضية، إلى جانب قضية لاعب النادي الأهلي محمود كهربا، الى جانب لاعب النادي الأهلي إمام عاشور و انتقاله مؤخرًا إلى النادي الأهلي.

وعلق "أمير" على أزمة إمام عاشور قائلا: "الزملكاوي والأهلاوي ده اللي قاعد في المدرج واللاعيبة بالنسبة لهم ده عقده وده أكل عيشه هيموت نفسه وهيجري وهيبوس التيشيرت، جوه بقى قلبه هو بيحب الزمالك أكتر أو الأهلي أكتر دي قصة مش هتعرفي تدخلي فيها يعني فيه لاعيبة زي كابتن حسام حسن كان من أساطير الأهلي ولما مشي من الأهلي بشكل هو شايفه مش كويس لعب في الزمالك واجتهد في الزمالك وكان زملكاوي في الوقت اللي كان فيه في الزمالك".

واستكمل: "يعني ايه لاعيب في الأهلي يلعب في الزمالك ولاعيب في الزمالك يلعب في الأهلي خلاص هي اللاعيبة بتنسى القصة دي، وإمام عاشور دلوقتي بيتظاهر إنه أهلاوي وعلى فكرة ممكن انتمائه يتغير ان هو يبقى بيحب الأهلي لأنه خلاص أكل عيشه، هيكسبوا بطولة هياخدوا فلوس، عمره الافتراضي في الملاعب هيطول وهو بالنسبة له دلوقتي مصلحته فين ودي حاجة في العالم كله ولويس فيجو كان كابتن برشلونة واكتر لاعيب اتعملت عليه مشكلة في العالم لما راح ريال مدريد وكان جمهور برشلونة بيهددوه بالقتل".

اقرأ أيضا:

50 صورة من حفلات سحور النجوم.. مي عمر وبسمة بوسيل ويسرا الأبرز

"مش هنرجع تاني أبدًا".. هشام ماجد يكشف سبب انفصاله عن أحمد فهمي