كلمة العدد
مهما قلنا من كلام مش هنعرف نوصف سعادتنا بتعليقاتكم اللي وصلتنا وإحنا ردينا علي كل إي ميل وصلنا...
النهارده بقي هنكلمكم عن موضوع جديد ياريت يكون ممتع ليكم موضوعنا النهارده هو: ومن الـ fun ما قتل. بجد مش هزار. ساعات بنعمل حاجات علي سبيل الـfun والروشنة وبعدين نكتشف إننا ماشيين في طريق خطير جداً وعلي الرغم إن أوله والع إلا إن آخره عتمة..
خد عندك ...
في fun تقيل علي القلب وممكن يخليه يهنج وساعات ما ينفعش حتي تعمل له ريستارت ...
وفيfun ممكن يخللي وشك يكرمش .... ولسه ما اخترعوش مكواة تفرده تاني ...
وفي fun وفي fun ...
يبقي مش كل الـ fun جميل ....
إحنا في العدد ده هنعرفك علي نوع خطير من أنواع الـ fun .... علشان تعمل الـ fun بفن
ياريت تبعتوا لنا رأيكم في اللي هتقروه المرة دي ولو عندكم تجارب ليها علاقة بالموضوع ده يسعدنا إننا نعرفها. ولو عندكم أي إقتراحات لموضوعات تحبوا نناقشها إبعتوا لنا علي :
nbadreldin@unicef.org
منتظرينكم ، فريق كلام x المفيد