الحلقة الثالثة

النهارده بقى هنبعد شويه عن مرحلة الطفوله وهنتكلم عننا كشباب فى بداية مرحلة الاستقلال وحرية التصرف واللى المفروض تكون بحدود ونتصرف بحكمه وعقل شويه , ازاى ؟! يعنى مثلا مش بالضروره تشرب سجاير عشان تحس انك راجل بالرغم من ان والدك ممكن يكون بيشربها وده ممكن يكون عيب اتوجد فى شخصيته نتيجة تعوده عليها من زمان لكن متبقاش زيه , لو انت حاسس انك بقيت راجل وكبرت فعلا يبقى لازم يكون ليك شخصيتك المستقله اللى مش هتقلد حد فيها ولو هتقلد يبقى تقلد فى حاجه تنفعك مش تضر بصحتك .

المشهد ده هنتخيله مع بعض (الولد راجع من بره متأخر وحواره مع والده كده بالظبط)

الولد: مساء الخير يا بابا
الاب : ايه يابنى كل ده تأخير ؟
الولد : وايه المشكله يعنى انا مش صغير وكنت قاعد مع صحابى يعنى كلهم بيسهروا مش انا لوحدى
الاب : مالناش دعوه بحد انت اللى تخصنى ومتكررش التأخير ده تانى
الولد : يوووووووووه دى حاجه تطهق (ويدخل غرفته ويقفل على نفسه وهو لسه بيهمهم بكلام سخيف)

شايفين المنظر عامل ازاى , بصراحه انا مش مع حد ولا ضد حد , كان يحصل ايه لو اتكلم الاب بنوع من الود والصحوبيه شويه مع ابنه والولد كمان المفروض يبقى رده مهذب شويه ومين عارف مش يمكن تحصل مشكله اكبر لو كرر تأخيره تانى , وخلى بالك ان معاناتك مع ابوك هتبقى هى نفسها معاناة ولادك معاك لو مقدرتش تتفاهم معاهم , وخليك كوووووووول وبتفهم فى الاصول .

الإصدارات السابقة