الحلقة الأولى (ماهى عيال تجيب الضغط)

بتدينى ساعات كتير ما انكرش ... وساعات بتاخد منى ولا حد حايش

ساعات نبقى ماشين فى الشارع ونلاقى أم بتضرب ابنها والولد مفحوم من العياط وهى مستمره فى توبيخه وضربه – هو حد فينا فكر مره ايه سبب الميول العدوانيه عند الأطفال ؟ طيب ليه الاطفال دايما بيعاندوا معانا لما نفهمهم انهم بيعملوا حاجه غلط ويتمادوا فى فعلها ؟ وليه لما طفل جديد بيتولد فى الاسره بنلاقى الطفل اللى اكبر منه بيغير منه وساعات بيبقى عاوز يؤذيه ؟ وليه دايما بيستخدموا دموع التماسيح اللى بتخليهم يصعبوا علينا ؟؟؟؟

طبعا دى مش جلسة تحليل نفسى بس حبيت أوضح ان عنف الاّباء تجاه أولادهم بيربى عنف لدى الطفل عند المجتمع ككل ومش بس كده ده بيرسب سلوكيات مدمرة بتظهر تدريجيا فى مختلف مراحل حياته .

طيب يحصل ايه لو نتفاهم مع اولادنا من صغرهم وبدل الضرب او حتى التوبيخ يكون فى لغة حوار مشتركة وده مش بس هيفيد اطفالنا ده هيفيدنا احنا اكتر منهم عشان نقدر نتواصل معاهم ونفهم متطلباتهم ونحس بمشاكلهم .

وكلمة اخيره منى لشباب النهارده اللى هما اّباء وأمهات بكره – زى ما عشتوا حاجات مكانتش عاجباكوا وانتوا صغيرين ياريت متكرروهاش مع اولادكم وانتوا كبار .

(والله اعلم بقى هعمل ايه فى عيالى لما فى يوم افقد اعصابى)

الإصدارات السابقة