ما الذي يؤرقنا في حياتنا؟

في حاجات بتؤرقنا في حياتنا كتير اوي لاتعد ولاتحصي منها المهم فالاهم... منها اللي بيشغل بالنا علي طول ومنها اللي بننساه اوقات ونرجع نفتكره ... ومنها اللي بسبب لينا حزن ومنها اللي بيسبب لينا ضيق ومنها اللي بسبب لينا دموع... و منها اللي عمرنا ماهننساه مهما مر الزمن ومنها اللي بنساه بعد مروره او مرور سنة عليه... وفي الاخر اهي حياة كلنا عيشنها ولازم نعيشها بحلوها ومرها.

اصدقائي عبروا عن ما بداخلكم
لان اكيد البوح بالشئ يخفف من أثره وهنسفيد كلنا لما نشوف هموم الآخرين ، ويمكن نلاقي هموم مشتركة بينا كجيل واحد بل من بس الأكيد إن في خط  مشترك يربط بينا كشباب مصري بنعيش مرحلة عمرية واحدة وبنمر بنفس الظروف. 

عن نفسي
الحياة كلها بتؤرقني
نفسي القي ناس كويسة يبحبوني بجد ويخافوا علي بجد كاننا اخوات، لكن كنت دايما اقابل الناس اللي ما بتعرفش تحب اصلا وممكن يكونوا بيكرهوا حتي نفسهم. 
نفسي اعيش حياة حلوة اوي، لكن عمري ما بحس إن حياتي حلوة دايما حاسه انها وحشة لانها ممكن تكون احسن
حبي للحياة خلاني خيالية جدا بقيت احب التخيل واصبحت افكر ويروح خيالي لبعيد لبلاد تانية بس بقيت اتضايق من الخيال ده لانه بقي حمل علي بقيت حاسه اني دايما عاجزة امام احلامي اللي مبتنهيش .

ده اللي بيؤرقني ليل ونهار، انتوا بقي إيه اللي بيؤرقكم؟

نانسي البنت المصرية

الإصدارات السابقة