ميدو يعتذر عن الفيديو المُسرب:"مش بنبيع سبح"

كتب ـ مصطفى الجريتلي:

اعتذر أحمد حسام "ميدو"، محلل المباريات في قنوات أون سبورت، عن مقطع فيديو تضمن بعض الألفاظ الخارجة على هامش تحليل لمباراة مصر والبرتغال رفقة حازم إمام، سيف زاهر ومجدي عبدالغني.

وغرد ميدو، على حسابه بموقع "تويتر"، صباح اليوم السبت، قائلاً:"امبارح اتسرب فيديو وإحنا قاعدين في الفاصل، بنعتذر طبعاً لكل الناس على كل لفظ خارج فيه، وإن شاء الله هنجيب الخائن للأمانه في أسرع وقت ممكن.. أكيد مش ذنب أي حد انه يسمع الألفاظ دي".

وأتم ميدو تغريدته قائلاً: "أما عن الشباب اللي عايشه الدور ومصدومين من الألفاظ وكده، وكانوا فاكرين إن إحنا وإحنا بنتكلم مع بعض بنبيع سبح وفوانيس فبقول لهم معلش ماتتخضش ميدو عمره ما عمل نفسه ملاك ولا عايز الناس تفتكره ملاك..هنجيب اللي سرب الفيديو ومش هنسيبه.. صباح الفل عليكم جميعًا".

وكان المنتخب المصري قد هُزم من نظيره البرتغالي بهدفين مقابل هدف ودياً ضمن استعدادات الفريقين لكأس العالم بروسيا 2018.