سعد سمير يوجه رسالة لمحترفي الأهلي.. ويمازح النني

القاهرة- (مصراوي):

احتفل سعد سمير، مدافع النادي الأهلي، بتألق المحترفين المصريين في الملاعب الأوروبية مساء اليوم السبت، في أول ظهور رسمي لهم بالدوريات العالمية خلال الموسم الجديد.

وأحرز محمد صلاح أول أهدافه مع ليفربول، كما سجل المدافع أحمد حجازي في أول ظهور بقميص وست برومتش في البريمير ليج، وافتتحت رأسية محمود حسن تريزيجيه أهداف قاسم باشا بالدوري التركي.

ووجه مدافع الأهلي رسالة لزميله السابق في المارد الأحمر عبر تويتر: "مبروك يا أسد، أحلى بداية ان شاء الله وربنا يحميك ويبعد عنك العين، إيه ده يا صلاح انت أخدت رجل المباراة كمان؟".

ليرد عليه أحمد حجازي قائلا: "ربنا يخليك يا حبيبي ويكرمك إن شاء يوم الثلاثاء، ابعد عن صلاح"، ليعلق سعد: "لا ده حبيبي ولد جميل وكلنا فخورين بيه"، ويرد حجازي: "كلنا ماشيين بتعليماتك يا هداف".

وكتب سعد سمير: "لا لا لا متقولش كده، إنتو ولاد هايلين وانا مبسوط منكو، أهم حاجة تعليمات الغربة اللي قولتلك عليها، ابعد عن محمد النني (لاعب آرسنال الإنجليزي) والباقي انت عارفه".

وأتم المدافع الدولي تغريداته عبر حسابه على تويتر بالحديث عن تريزيجيه كاتبًا: "أوباااااااااا تريزجيه جاب جول، كده حلو اوي اليوم كده، اتظبط تمام الحمد لله للرجالة كلهم، فيها كوتش جديد دي خلي بالك".