هيثم عرابي: مرحلةتكسير العظام بدأت داخل الأهلي

كتب- علي البهجي:

خرج هيثم عرابي، مديرا التعاقدات والعلاقات الخارجية بالنادي اﻻهلي سابقًا، عن صمته وعلق على بعض القرارات الأخيرة، الصادرة من مجلس إدارة القلعة الحمراء برئاسة محمود طاهر، معربًا عن حزنه لما وصل إليه الحال النادي مؤخرًا.

وكتب عرابي عبر صفحته الشخصية عبر موقع التواصل الاجتماعي "فيسبوك":" كأهلاوي لازم تكون حزين . بنشوف حاجات عمرنا ما شوفناها في نادينا وحاجات كتيره اتكسرت".

وأضاف:" ملتزم الصمت ومبحاولش اتكلم في اي حاجه تخص النادي علشان كلامي مايتفهمش غلط أو محدش يزايد عليا لأني عارف إن في ناس مستنياني اغلط بس اعتبروني بتكلم بحكم إني مشجع أهلاوي وليا طلب واحد".

وتابع:" الجمعية العمومية جايه وبدء تكسير العظام وضرب من تحت لتحت وتسريب أخبار وتعظيم في ناس وتقليل في ناس فسواء هتأيد الميزانية أو هترفضها أعمل اللي تعمله دي وجهة نظرك وحقك بس متاخدوش اسم الأهلى لتحت ولحد كده وكفايه حربوا حربكم وسيبولنا الأهلى بتاعنا اللي إحنا عارفينه ولو لمره واحده حسسونا إن مصلحة الاهلى فوق مصلحتك بجد".

وأكد عرابي أن بطولات النادي الحقيقيه كانت في اخلاقه ومواقفه احترامنا لرموز القلعة الحمراء والسير علي نهجهم واحترام اسم النادي وقواعده.

واختتم رسالته قائلا:" متنساش ان هييجي اليوم اللي هتكون فيه في نفس المكان وهتكون تاريخ فإختار تاريخك هيكون ايه؟