"العفاريت أثرت عليه" و"التعويذة منفعتش".. الجمهور يعلق على "رامز جاب من الاخر"

كتب- مروان الطيب:

استقبل رامز جلال المطربان حمادة هلال وأحمد فهمي بحلقة الليلة من برنامج "رامز جاب من الاخر" ويعرض على قناة "Mbc مصر".

وفور وصولهما سخر "رامز" قائلا: "الاتنين متهمين بأنهم بيمثلوا وبيغنوا، والممثلين مش لاقية تاكل".

وعلق "رامز" علي وصول "فهمي": "جايلك يا أحمد، بس عايزك تجمد"، كما علق على وصول "حمادة هلال": "نازلك يا حمادة وهخضك كالعادة، وعلق: المداح بيتخض يا جدعان".

وسخر "رامز" من الفنان حمادة هلال قائلا: "أخرك المداح السنة"، ليقوم بعدها بإدخال "كلب" في محاولة لتخويفهما إلا أن "حمادة هلال" ظل واقفًا وسط نظرات مريبة للكلب وعلق "رامز": "بيحاول يقول التعويذة، حمادة هلال عاوز يقلبني غزالة".

ليطلب "رامز" من "فهمي" و"حمادة هلال" غناء "لو خايف ابعد واتاخر علشان رامز جاب من الاخر".

وانهالت تعليقات المتابعين عبر تطبيق موقع "X" وسخروا خلالها من ظهور المطربان وبالأخص الفنان حمادة هلال وعلقوا: "حمادة هلال فاكر نفسه المداح بجد، حمادة هلال كان بيتقمص دور المداح عشان يقول التعويذة، حمادة جه يجرب التعويذة منفعتش، كلب ايه اللي يخاف منه حمادة هلال مستحيل يكون بيخاف ده يقرأ التعويذة بس وشكرًا كده، يا جدعان هموت من الضحك، لا مداح مداح يعني، حمادة هلال هيجيب عفاريته خلي بالك يا رامز، حمادة هلال من كتر قعدته مع العفاريت خلت عنده ثبات انفعالي رهيب، يعني بقالك 4 سنين راعبنا معاك في المداح وجاي تتخض من رامز وهو لابس شجرة".

ويستضيف البرنامج عدد من ضحايا رامز جلال هذا الموسم، من نجوم الفن والرياضة والمشاهير من مختلف أنحاء العالم العربي، ومن بينهم: أحمد السقا، باسم سمرة، أيتن عامر، طارق لطفي، محمد أنور، ميرهان حسين، أحمد حسام ميدو، كزبرة، نجلاء بدر، سمية الخشاب، محمد شاهين، باميلا الكيك، عبدالناصرزيدان، محمد رياض، حسن شاكوش وطليقته، وحمدي الميرغني.

وتقوم فكرة البرنامج على تنفيذ مقلب في اثنين من المشاهير، وبعضهما تحدث عن وجود خلاف بينهما، مثل استضافته مغني المهرجانات حسن شاكوش وطليقته ريم طارق، أيتن عامر وسمية الخشاب، باسم سمرة وأحمدالسقا.

اقرأ أيضا:

حمادة هلال يكشف سبب خلافه مع تامر حسني في الحلقة التاسعة من رامز جاب من الآخر

مفاجآت دراما رمضان| 4 يتنافسون على الصدارة.. و42% من اهتمامات المصريين بالمسلسلات