علا غانم لبسمة وهبة: "مكنتش أقصد أنكد عليكي وكان نفسي نعمل حلقة حلوة"

كتب- محمد أبوالمجد:

قالت الفنانة علا غانم، للإعلامية بسمة وهبة: "بسمة ابتسمي يا حبيبتي، ابتسمي الحياة مش ناقصة خالص وقصيرة"، لترد بسمة، قائلة: "هي اللي بتقول كده يا جماعة جت نكدت عليا ووجعتلي قلبي وخرجتني من أدواتي ومهنيتي، وخلتني مجتش النهارده، والصحافة هتكتب بسمة وهبة مجتش ولأول مرة العرافة تبقة طيبة".

وأضافت "علا": "مكنتش أقصد والله أعمل كل دا وكان نفسي نعمل حلقة حلوة، وبسمة وهبة جت وقادت الحلقة في الاتجاه اللي هي عايزاه مع أننا كنا متفقين أن موضوع طليقي مياخدش من الحلقة أكثر من 5 أو 10 دقائق"، لترد بسمة: "أنا يهمني دائمًا أعرف الحقيقة والحقيقة صدمتني ووجعتلي قلبي بجد، لأني مبحبش أشوف ست مظلومة".

وتابعت علا : "أنا مش مظلومة"، لترد بسمة وهبة، قائلة: "خلاص يا ستي أنا شايفاكي كده وأنا حرة وبطلق على حالتك كده"، لتقاطعها "علا": "قانون بلدي هيرجعلي حقي وفكرة إني مش مظلومة لازم تحطيها نصب عينيكي، أنا مش هنام وأنا مظلومة مش هتحصل أبدًا وبيتي هيرجعلي عارفة بقولك ايه، يمكن أخد شوية وقت بس صدقيني هيرجع وقريب أوي".

ويعد برنامج «العرافة»، امتدادا لبرامج بسمة وهبة الرمضانية، والتي تعتمد على كشف أدق تفاصيل النجوم وخباياهم وإظهار الوجه الآخر لهم، ما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للضيوف.