"بطلع منها خسران".. عمر كمال يكشف سر غيابه عن برامج رمضان

كتب-مصطفى حمزة:

كشف المطرب عمر كمال، أسباب رفضه الظهور في برامج القنوات الفضائية، التي يتم دعوته للظهور بها في شهر رمضان الحالي

عمر، عبر صفحته في موقع فيسبوك، كتب: "لأي برنامج حواري بيطلبنى فى رمضان ده حاجة تشرفنى، وغالبا بكون بحترم جدا المقدم بتاع البرنامج وفوق راسى، لكن الحقيقة إني معنديش حاجة جديدة اتكلم فيها، يبقى مش لازم اظهر في برنامج اخبط في فلان غصب عنى عشان اعمل تريند، او حد يجيبلى صورة علانة ويخرجنى برة شعورى، ونجيب سيرة الناس وبنات الناس"

وتابع،:" مش لازم أكون موجود فى رمضان بأي حاجة وخلاص، لو مليش موجود يبقى مش لازم اكون موجود، فيه ١١ شهر في السنه ممكن اكون موجود فيهم بأى شكل انا عاوزاه، لكن البرامج اللى من النوعية دى بطلع منها خسران مش كسبان، من كامل احترام لكل البرامج ديه والقائمين عليها "

المطرب عمر كمال، طرح مؤخرا أغنية بعنوان "أهلا رمضان"، بمشاركة سيف مجدي، ويشارك بالغناء في أحدى الخيم الرمضانية، خلال شهر رمضان الحالي