الاختيار 3 الحلقة 29.. السيسي يقترح على مرسي إجراء استفتاء شعبي.. وهكذا رد المعزول

كتب- عبد الفتاح العجمي:

شهدت الحلقة 29 من مسلسل الاختيار 3، عقد الرئيس المعزول محمد مرسي، اجتماعا مع الفريق أول عبد الفتاح السيسي، إبان ثورة 30 يونيو 2013.

وخلال "الاختيار 3 الحلقة 29"؛ يقول السيسي لمرسي: "أظن حضرتك ومساعدينك ومستشاريك بقى عندكم دلوقتي صورة واضحة عن كل اللي بيحصل في الشارع، في حالة احتقان بتزيد كل ساعة، الناس ليها مطلب رئيسي يا فندم وهو إجراء انتخابات رئاسية مبكرة، وكل دقيقة بنتأخر فيها عن الاستجابة لمطلبهم ده، واللي واضح أن حضرتك مش موافق عليه، بتعرض البلد لخطر شديد".

أضاف السيسي: "اقتراحي أنا يا فندم هو إعلان استفتاء شعبي على رئيس الجمهورية، والناس هي اللي هتحكم، وبكده ننزع فتيل الأزمة الموجودة في الشارع".

ورد مرسي قائلا: "استفتاء شعبي إيه يا سيادة الفريق؟ أنا رئيس مدني منتخب، والشرعية معايا، والمعارضة لو مش عاجبهم يستنوا نهاية مدتي ويرشحوا اللي يعجبهم، أنا أكتر حاجة أقدر أعملها للمعارضة تغيير وزاري موسع وتعديل في الدستور اللي مش عاجبهم، رغم أن الشعب وافق عليه، وكمان نضمن لهم مقاعد في مجلس الشعب".

وعقب السيسي قائلا: "فخامة الرئيس الملايين اللي مالية الشوارع بقالهم 48 ساعة، مسمهمش معارضة يا فندم، دول اسمهم الشعب المصري، وكل شيء في حياتهم متوقف على قرار من سيادتك، إما بالاستجابة لمطالبهم أو لأ، وساعتها الأمور هتخرج عن سيطرتنا كلنا، يا فندم أنا برجو حضرتك أنك تدرك أننا قدام لحظة استثنائية في تاريخ مصر، لما رئيس جمهورية أكتر من 30 مليون ينزلوا الشارع ويطلبوا منه الرحيل لا يمكن أنه يغمض عينه ويقفل ودانه ويتصور الأمر هو بس في تغيير الحكومة".

اختتم السيسي: "ربنا يعلم يا فندم إني في طول الشهور اللي فاتوا حاولت بكل طاقتي وبمنتهى الإخلاص إني أنقل لحضرتك صورة واضحة عن كل اللي بيحصل في الشارع، وده عشان مصلحة بلدنا، مصلحة مصر اللي مينفعش أبدا أننا نتعامل مع إرادة شعبها ومطالبه بالطريقة دي، أنا كده قولت اللي يرضي ضميري قدام ربنا سبحانه وتعالى".

مسلسل "الاختيار 3" بطولة: كريم عبدالعزيز، أحمد عز، ياسر جلال، أحمد السقا، صبري فواز، خالد الصاوي، عبدالعزيز مخيون، جمال سليمان، محمد رياض، منذر رياحنة، هيدي كرم، هشام إسماعيل، أمير المصري، وإيمان العاصي وغيرهم، ومن تأليف هاني سرحان، وإخراج بيتر ميمي.

شارك في استفتاء مصراوي| صوّت للأفضل في دراما رمضان "مسلسلات ونجوم وصناع"