الاختيار 3 الحلقة 28| مرسي عن 30 يونيو: دول كلهم 120 ألف وبيزودوهم بالجرافيكس.. والسيسي يرد

كتب- عبد الفتاح العجمي:

شهدت الحلقة 28 من مسلسل الاختيار 3، اجتماع الفريق عبد الفتاح السيسي (ياسر جلال) مع الرئيس المعزول محمد مرسي (صبري فواز) إبان ثورة 30 يونيو 2013.

وخلال "الاختيار 3 الحلقة 28"؛ يقول مرسي للسيسي: "يا سيادة الفريق المعارضة دي كلها كلام وبس، وملهمش وجود حقيقي على الأرض، اللي في الشارع دول كلهم مؤيدين"، يعقب السيسي: "حجم التظاهرات المعارضة كبير يا فخامة الرئيس".

ويرد مرسي: "لا كبير ولا حاجة يا سيادة الفريق، دول كلهم 120 ألف، هم بس بيزودوهم بالجرافيكس"، فيرد السيسي: "فخامة الرئيس أنا ممكن أجيب لحضرتك فيديوهات التصوير الجوي اللي بتبين العدد الحقيقي الموجود في الشارع، الموضوع أكبر بكتير من اللي حضرتك بتقوله عليه ده، صدقني يا فندم الحل اللي بنعرضه هو أفضل حل ممكن في الوقت الحالي".

مسلسل "الاختيار 3" بطولة: كريم عبدالعزيز، أحمد عز، ياسر جلال، أحمد السقا، صبري فواز، خالد الصاوي، عبدالعزيز مخيون، جمال سليمان، محمد رياض، منذر رياحنة، هيدي كرم، هشام إسماعيل، أمير المصري، وإيمان العاصي وغيرهم، ومن تأليف هاني سرحان، وإخراج بيتر ميمي.