"الاختيار 3" الحلقة 19 | جرائم الجماعة في إشعال المظاهرات والشاطر يُلقن خطابًا لـ مرسي

كتبت - منال الجيوشي:

شهدت الحلقة الـ 19 من مسلسل "الاختيار 3" والتي تعرض على شاشة (ONE) العديد من الأحداث أبرزها:

في مكتب الإرشاد يعقد قيادات الجماعة اجتماعًا لمناقشة المظاهرات التي سيقوم بها متظاهرين ضد حكم الإخوان يوم الجمعة بالمقطم أمام مكتب الإرشاد.

المرشد محمد بديع (عبدالعزيز مخيون): اللي بيحصل ده مؤامرة وسفالة بيعملوها المعارضة وجبهة الإنقاذ والخونة والمأجورين، لازم يتحطلهم حد عشان يعرفوا قدرهم.

خيرت الشاطر (خالد الصاوي): مظاهرات يوم الجمعة هنا قدام مكتب الإرشاد استعراض للقوة، ولو كده احنا لازم نوريهم قوتنا.

محمود عزت (مجدي سعيد): إحنا عايزين كل شباب الجماعة من كل المحافظات يتم شحنهم ونقلهم، ييجوا يوم الخميس، ولازم اللي هيتظاهر ضدنا يعرف إنه هتتقطع رقبته، ولو معملناش كده هنلاقي هجوم كبير ضدنا.

خيرت: محدش يلومنا لو دافعنا عن نفسنا، دول جايين لحد بيتنا.

يتصل القيادي الإخواني أسامة ياسين بعدد من الشباب ويوجه تعليمات بكيفية التحرك لمواجهة المتظاهرين.

يجتمع محمود عزت مع خيرت الشاطر، ويقول الأول: إحنا وزعنا الأخوة على عدة مناطق، وكل مجموعة عارفين هيروحوا على فين.

يعطي الإرهابي صفوت حجازي تعليمات للمتظاهرين قائلاً: اللي يقرب من هنا تكسروله رجليه، اضربوه لحد مايتكسح عشان اللي يسأله بعد كده يبقى عارف هو حصله إيه.

في الحلقة يتم عرض عدة فيديوهات لمتظاهرين ينتمون لجماعة الإخوان الإرهابية، الذين رددوا عبارات مثل: "أنا جاي أحمي الإخوان"، و"اللي هيجي هنا هنرميه من فوق المقطم"، و"احنا بنحمي بيتنا اللي هو المقر".

أمام مقر مكتب الإرشاد يلتقي عدد من شباب "جبهة الإنقاذ" بمحمد عبدالعزيز (عصام السقا).

يراقب الضابط مروان (أحمد عز) أحد الأشخاص الذين لهم صلة بالإرهابي عصام الحداد، ويجده يتسلم "ملابس عسكرية".

يشتبك المتظاهرين "المؤيدين لحكم الإخوان" والمعارضين لهم وتقع إصابات بعد قيام مؤيدي الإخوان باستخدام العنف.

في منزل الرئيس محمد مرسي (صبري فواز) يقول خيرت الشاطر: إحنا اتخذنا كل الخطوات لتحويل اللي حصل لقضية، وقدمنا بلاغات ضد رؤوس المعارضة، وكل الصور اللي اتاخدت هتستخدم كأدلة ضد جبهة الإنقاذ.

وعن الإعلاميين قال الشاطر: احنا هنطلع بيان وتتحدث فيه يا سيادة الرئيس بقوة ترهبهم، لازم يبقوا فاهمين إنك كرئيس للجمهورية هتفعل القانون الجنائي ضدهم، وهتقول الخطاب في مؤتمر للمرأة، إحنا هنظبط الكلام في نص مكتوب تمام، وهنبذل قصارى جهدنا وهنعمل بيان ميخرش المية، لكن ليا رجاء عند سيادتك التزم بالنص المكتوب وابتعد عن الارتجال.

"الاختيار 3" بطولة: أحمد السقا، كريم عبدالعزيز، أحمد عز، ياسر جلال، خالد الصاوي، عبدالعزيز مخيون، صبري فواز، وعدد من ضيوف الشرف، ومن تأليف هاني سرحان، وإخراج بيتر ميمي.

​