بائعة ترمس في التحرير.. ليها في السياسة وخايفة من جمال مبارك
تطبيق مصراوي
لرؤيــــه أصدق للأحــــداث
كتبت - هند بشندي:
لم أسالها عن اسمها.. او من تكون، فلا داعي للسؤال وإجابته مرسومه على قسمات وجهها.. فهي سيدة كآلاف السيدات في مصر.. أجبرت على ''العيشة المرة'' على حد وصفها لحياتها.
''بيع الترمس'' هو كل ما تجيد عمله في الحياه، تجلس على رصيف بجوار جامع عمر مكرم..وبعد ان احتشد الميدان بالمتظاهرين، قررت ان تحصل على موقع أكثر استراتيجية وتجلس أمام ''مجمع التحرير''.
اقتربنا منها بعد ان لفت انتباهي صوتها وهي تجادل في قضايا سياسية، وبخبرة السنين تفهمت علامات الدهشة التي ارتسمت ملامحي..وبادرتني بما يبدد دهشتي ''متستغربيش.. أنا بعرف اتكلم في السياسية وفاهمه كل حاجة.. أنا قاعده في ميدان التحرير علطول وباسمع كل اللي بيتناقشوا فيه، بس هو ليه الراجل ده - مشيره لأحد المتواجدين - عمال يقول الإخوان باعوكم خلاص.. الإخوان اتفقوا عليكم عشان نفسهم، الكلام ده جديد، مكنش بيتقال في الميدان من كام يوم''.
طالما ليكي في السياسية سيبك من الكلام ده وقوليلي هتنتخبي مين؟
معرفش بيقولوا محمد مرسي بتاع الإخوان كويس.. بيقولوا دول بتوع الإسلام عشان كده يارب يفوز.
هترشحيه عشان كده؟
بتردد قالت ''لما يبقي عارف الاسلام يمكن يخاف ربنا فينا، يمكن يطلع أحسن''.
طيب وانتخبتي مين في الأول؟
لا.. ولا حد مارحتش.
أنتِ مع الثورة؟
اكيد طبعا، انا مع اللي تعبوني في حياتي يمشوا.
اللي هما مين؟
المسئولين عن اني اخد معاش 350 جنيه مايكفيش حاجه، السبب في اني اشقي طول حياتي، ان انسي اودي عيالي الامتحانات من كتر ان دماغي في لقمة العيش، اني اسرح عيالي اللي في ابتدائي يبيعوا مناديل..ذنبها ايه بنتي في السن ده تتبهدل؟ ولسه عرفت انه خارج ماتعرفيش هيعمل ايه في البلد؟
مين ده؟
جمال مبارك، عرفت انه راجع تاني.
ولما يرجع..هيعمل ايه؟
ربنا يستر علينا.
في نهاية حديثي معها مر احد الباعة الجائلين، رجل عجوز، وجه لي حديث بغضب..قوليلي هي سوزان مبارك احسن منها؟ احسن من الست دي فيها؟
سؤال لا املك إجابته لذا فضلت أن ينتهي هنا الحديث.
اقرا ايضا :
جمال مبارك يعد طعام والده من كافتيريا طره
فيديو قد يعجبك:
