منقذ ضحايا بالوعة المنوفية: "ربنا قواني ومش قادر أنسى شكلهم"

المنوفية- محمد الملاح:

أكد يحيى عمار، 35 عامًا، عامل يومية، من أهالى قرية "بمم" التابعة لمركز تلا، والذي انتشل 5 أشخاص ماتوا اختناقًا ببالوعة صرف صحي: "معرفش إيه اللي حصلي، لقيت نفسي نازل أطلعهم".

وأضاف: "أنا شغال في مغسلة بالقرب من مكان الحادث، سمعت أصوات صراخ وتجمع الأهالي عند البالوعة، فذهبت لاستطلاع الأمر فعلمت أن 5 من أهل القرية موجودون داخل البالوعة، ومش عارفين يطلعوهم ونزلوا واحدًا تلو الآخر عشان ينقذوا محمود خفاجة أحد الضحايا، وكان أول واحد نزل عشان يشوف سبب انسدادها ويصلحها، بعدما أغرقت مياه الصرف عدة منازل.

وتابع "عمار": شاهدت وجوه ثلاثة من الضحايا وعيونهم جاءت في عيني، والأهالي حولهم والجميع خائف من النزول.

واستكمل عمار: "معرفش إيه حصلي.. بس ربنا ثبتني وإداني العزيمة والقوة، وقولتلهم أنا هنزل أطلعهم"، وبالفعل نزلت على كذا مرة أطلع واحد أو اتنين واطلع اتنفس من تاني لحد ما طلعتهم.

وأشار عمار إلى أن أحد الأهالي، ويدعى محمد العبد ساعدني فى استخراج الجثث، وأصيب بإعياء شديد، وجرى نقله إلى المستشفى.