ياسمين عز توجه رسالة جريئة لكريستيانو رونالدو بخصوص جورجينا

كتب- يوسف عفيفي:

وجهت الإعلامية ياسمين عز، رسالة جريئة إلى اللاعب البرتغالي كريستيانو رونالدو، قائد منتخب البرتغال، بعد الخروج من بطولة كأس العالم 2022 التي تستضيفها دولة قطر.

وقالت ياسمين في برنامج "كلام الناس" المذاع عبر فضائية MBC مصر:رسالتي بقى المرة دي لكريستيانو رونالدو أنا عارفة إنه بيتابع البرنامج وبيحبنا وبيحب البرنامج والنبي يا شيخ لو ليا خاطر عندك أجبر بخاطر البنت المسكينة دي "جورجينا" واتجوزها.. وأديك شوفتها في آخر ماتش، شيلاك في عينها صاينة عيالك ومحافظة عليها، وبعدين عمرها ما اشتكت رغم إنك ممرمطها وراك كعب داير من مدريد لإيطاليا ومن أولد ترافورد للمدينة التعليمية بالدوحة، ويا عالم بعد كده هتروح فين وتاخدها معاك الست ما بتقولش لأ من هنا لهنا حاضر.

وتابعت ياسمين: اتجوزها وإنشاء الله ربنا يكرمك أكتر.. ربنا يهديك وتراجع نفسك في موضوع الجواز ونشوفكم في الكوشة السنة الجاية بالجوازة التانية ومعاكم أولاد تانيين ونفرح بيكم.