السيسي لـ"موسى مصطفى": "اللي عنده إحساس بالمسؤولية يستحق نشكره"

كتبت- ياسمين محمد:
وجه الرئيس عبد الفتاح السيسي، الشكر مجددًا للمرشح الرئاسي السابق موسى مصطفى موسى، لترشحه للانتخابات الرئاسية، مؤكدًا أنه كان يتمنى مشاركة عدد كبير من المرشحين في الانتخابات إلى جانبه: "أقسملك كنت بتمنى إن يكون فيه معايا في الانتخابات موسى مصطفى وغيره وغيره".

جاء هذا تعقيبًا على كلمات بعض الشباب حول أهمية دمج المعارضة في العملية السياسية، بجلسة "رؤية شبابية لتحليل المشهد السياسي في مصر" ضمن جلسات المؤتمر الدوري الخامس للشباب، اليوم الأربعاء.

وقال الرئيس: "أنا بتشرف إنك موجود معانا، الكلام ده مش مجاملة، اللي بيبقى عنده إحساس بالمسؤولية تجاه بلده وشكلها ومكانتها وسط الأمم، يستحق نقومله ونقوله شكرًا".

وقال الرئيس إن المعارضة جزء من الحياة السياسية: "احنا محتاجينكم معانا، المؤتمر ده منصة لينا كلنا نتكلم مع بعض ونسمع ونعرف نتفاهم".

وتابع: "انا مش بقول كلام حلو، إحنا محتاجين كدا لو عايزين نجابه التطرف والإرهاب والتشدد، وعايزين نتعامل مع بعض بشكل يليق بأمة ليها جذور في التاريخ".