السيسي: "الحكاية كبيرة مش هتتحل غير بالصبر غير كده نبقى بنضحك عليكم"

كتب- محمد نصار _مي مدحت:

قال الرئيس عبدالفتاح السيسي، عن انزعاج الناس من ارتفاع أسعار الوقود: "هي الدنيا ماشية كده هو الـ10 مليون عربية بيستخدموا ميه ولا وقود، هي محطات الكهرباء شغالة مترد يا دكتور شاكر، ولا تقعد تشكيلي الفلوس الفلوس أنت ووزير البترول".

وأضاف السيسي، خلال الندوة التثقيفية التاسعة والعشرين للقوات المسلحة "أكتوبر تواصل الأجيال" بمركز المنارة للمؤتمرات، اليوم الخميس: " كلموا الناس وقولوهم الحكاية إيه، الحكاية كبيرة جدًا مش هتتحل إلا بالإرادة والعمل والعمل والصبر، غير كده نبقى بنضحك عليكم".

وأوضح الدكتور محمد شاكر، وزير الكهرباء والطاقة المتجددة: "كم الوقود بتاع المحطات، السنة دي لو شغالين على 3 دولار محتاجين حوالي 90 مليار جنيه، تكلفة إنتاج الطاقة الكهربائية كيلو وات ساعة 103 قروش، نحصل على 83 قرش والفارق 37 مليار جنيه، لو وصل الغاز الطبيعي 4.5 هنضيف عليه 40 مليار جنيه، ومقدار العجز هيكون 77 مليار جنيه".