السيسي: "كثير من الإعلاميين يعانون الوعي المزيف والمعركة منتهتش"

11:52 ص الخميس 11 أكتوبر 2018
السيسي: "كثير من الإعلاميين يعانون الوعي المزيف والمعركة منتهتش"

الرئيس عبدالفتاح السيسي

كتب- محمد نصار ومي مدحت:

قال الرئيس عبدالفتاح السيسي: "القرار الاستراتيجي لإسرائيل تعمل سلام مع مصر ونديها أرضها، ونبقى قفلنا الباب ده لعدم تكرار الخسائر دي، خسائر 1973 وحرب الاستنزاف، هل هي اتكررت تاني الإعلام يقول الكلام ده، لم تتكرر هذه الخسائر منذ ذلك الحين وحتى الآن".

وأضاف السيسي، خلال الندوة التثقيفية التاسعة والعشرين للقوات المسلحة "أكتوبر تواصل الأجيال" بمركز المنارة للمؤتمرات، اليوم الخميس: "يبقى كان القرار بأنهم يتوافقوا معانا ويدونا أرضنا، في تمن جيش مصر دفعه بالإرادة والمخاطرة والدم اللي المصريين قدموه، انتوا طبعًا مشوفتوش المصابين لكن كان في ناس كتير معاقين، قعدوا خلال الـ50 سنة الماضية يرحلوا واحدًا تلو الآخر".

وتابع الرئيس: "بقول الكلام ده دلوقتي لأن المعركة منتهتش، مازالت موجودة بمفردات مختلفة كان الأول العدو واضح لكن دلوقتي لا بقى معانا وجوانا واستطاعوا بالفكر إنشاء عدو داخلنا، يعيش بقتلنا ويبني نفسه بهدمنا، الوعي المزيف أو المنقوص هو العدو الحقيقي، اللي كتير بيعاني منه على مستوى ناس أكبر من النخب والمثقفين والإعلاميين، عليهم أن يدركوا الصورة الكلية للواقع الذي نعيش فيه".

إعلان

إعلان

إعلان