السيسي: مشروع الفرافرة يُسلم نهائيا خلال 4 سنوات

كتبت-عبير القاضي:

قال الرئيس عبد الفتاح السيسي، إنه كان مهم اوي ان الناس تغني كنا هنبني وادينا بنينا السد العالي، افتكروا الكلام ده كويس، ده مشروع قومي واحد، انما النهاردة هناك 1000 بير على الاقل تم الانتهاء منهم، يعني ممكن ازرع 400 الف فدان، وانا خلصتهم في وقت قياسي".

وأضاف السيسي، خلال كلمته من الفرافرة تزامنًا مع اطلاق إشارة البدء لحصاد أول محصول للقمح بالمشروع بعد إن تم زراعة 7500 فدان منه هذا الموسم، الخميس، قائلا :"واجهت بشدة مشكلات البيروقراطية في مشروع المليون ونصف المليون فدان"، إنه خلال 4 سنوات مشروع الفرافرة سيسلم نهائي، ويعتبر مشروعا قوميا، وهناك مشروع قومي اخر وهو الشبكة القومية للطرق، والذي تم انجازه بالفعل 5000 كيلو، والشبكة ديه عملت ربط لمصر، وهناك 135 كوبري وسينتهوا اخر السنة دي 150، والمتوسط لانشاء كبري 200 مليون جنيه، وكل ده في سنتين فقط".

وتابع قائلا :" وانا بساعد في المساهمة للتنمية، لجذب المستثمرين ويكون لدينا بنية تحتية اقتصادية، تليق بحجم الاستثمارات القادمة، وهناك 2000 كيلو في سيناء، وعايز اقولكم بيتصرف علي سيناء النهاردة اكثر من 30 مليار جنيه، وانا بتكلم سيناء متكلمتش على اى شبكات انفاق، يا خسارة كنت علشان اعمل النفق ده أعلن على الشركات وتقدم عروض وتاخد سنتين ثم اعمل مناقصة علشان اشوف احسن حاجة يعني عقبال لما ابتدي اول نفق ياخد وقت 3 سنوات واحنا معملناش كده وقولنا هنعمل وعملنا بالفعل، واول مكنه اتجمعت هتشتغل الشهر القادم، وثاني مكنه في شهر 8 والثالثة في شهر 10 والرابعة في شهر 12، والمشروع اللي كان بياخد سنوات كل ده هياخد سنتين بس".

وأكد الرئيس، أن مشروع تنمية سيناء هو المشروع القومي الثالث علشان هي غالية علينا بعد مشروعي المليون وتنصف وهناك مزارع سمكية و15 مصنع رخام و 2 مصنع اسمنت ومناطق زراعية مش أقل من 200 ألف فدان وهناك محطتين معالجة مياه أولها سربيا تنتج مليون لتر مياه في اليوم، والمحطة الثانية لصالحة ترعة السلام".