رسائل ساويرس لرؤساء مصر والسياسيين والوزراء

كتب - مصطفى ياقوت:

وجه رجل الأعمال، ومؤسس حزب المصريين الأحرار، المهندس نجيب ساويرس، رسائل مقتضبة لرؤساء مصر السابقين، وعدد من الإعلاميين والشخصيات العامة، خلال لقاءه ببرنامج "السادة المحترمون"، المذاع عبر فضائية ontv.

وقام الإعلامي يوسف الحسيني، مقدم البرنامج، بعرض صور العديد من الشخصيات، مطالبًا ساويروس بالتعليق على كل صورة منفردة، وهي كالتالي:

الرئيس الراحل محمد نجيب: "بعتذرلك عن الظلم اللي اتعرضت له ومعرفتش إنك قمت بالثورة إلا لما كبرت".

الرئيس الراحل جمال عبد الناصر: "رفعت قيمة مصر وقللت قيمة المصريين بالظلم والكبت وتقييد الحريات".

الرئيس الراحل محمد أنور السادات: "مش هننساك لإنك رفعت راسنا عاليًا بانتصار أكتوبر".

الرئيس الأسبق حسني مبارك: "حزين على اللي حصل معاك لأن الأخطاء اللي حصلت مش المفروض تكون منسوبة ليك لوحدك".

وزير الدفاع الأسبق المشير حسين طنطاوي: "كان نفسي تبقى أهلاوي".

الرئيس الأسبق محمد مرسي: المصريين والإخوان المسلمين "دونت ميكس".

الرئيس السابق عدلي منصور: نفسي أعرف ليه مرضتش تدخل البرلمان؟ وكان نفسي تكون أنت رئيس مجلس النواب.

الرئيس عبد الفتاح السيسي: أنت مش محتاج كل اللي بيتعملك ده وكلنا وراك وبنحبك.

الدكتور محمد البرادعي: خذلت مصر في وقت حرج وخيبت أملنا في شخصية كنا شايفنها كبيرة أيام الإخوان.

الدكتور محمد أبو الغار: أنقى الشخصيات على الكرة الأرضية.

المرشح الرئاسي السابق حمدين صباحي: أنا راجل رأسمالي بس بحبه.. وخليك معانا المرحلة الجاية عايزة مجهودك.

النائب البرلماني سامح سيف اليزل: صديقي وتضامنا أيام الإخوان وهنفضل أصدقاء وهنتعاون ومش هنتخانق وهنساعد بعض وهنفضل نساعد سواء اختلفنا أو اتفقنا.

وزير المالية هاني قدري: نفسي أشوفك مكان وزير الاستثمار ووزير الاستثمار يبقى مكانك.

رجل الأعمال أحمد عز: معرفش كنت بتفكر في أيه لما حاولت ترجع للمشهد السياسي؟ وكانت خطوة غير صائبة.

الشاعر الراحل أحمد فؤاد نجم: وحشتنا أوي يا عم أحمد.

المدير السابق لقنوات ontv ألبرت شفيق: صاحب الفضل الأكبر على أون تي في ورحيله كان بسبب أخطاء محددة، بس هيرجع معانا في مكان جديد واللي بيني وبينه محدش هيكسره.

الكاتب الصحفي والإعلامي إبراهيم عيسى: عبقري مصر الأول وعقلية مفيش في مصر 10 زيها.. وأي وقت يحب يرجع القناة يشاور بس.