قالوا عن أحداث استاد الدفاع الجوي

كتبت – سحر عزام :

سادت حالة من الحزن علي مواقع التواصل الاجتماعي، على ضحايا الاشتباكات التي وقعت مساء الأحد، بين قوات الأمن، ورابطة مشجعي نادي الزمالك ''وايت نايتس''، أمام استاد الدفاع الجوي، أصدر النائب العام بيانا أكد من خلاله سقوط 22 قتيلا حتى الآن.

خالد داوود المتحدث الرسمي باسم حزب الدستور

'' لا ننسى أن مذبحة ستاد بورسعيد تمت لما كان الإخوان أغلبية البرلمان، ولما صدرت أحكام الإعدام، مرسي كان رئيس واتقتل أكتر من 40. لا شماتة في موت''.

حركة تمرد

'' لا أحد يعرف عدد الشهداء حتى الآن من جماهير نادى الزمالك ، لكننا نعرف القاتل !''

الشيخ مظهر شاهين إمام وخطيب مسجد عمر مكرم

'' لما نلعب كورة : قنوات تشتغل..و ناس تقبض ملايين .. وناس بتموت ..وأعداءنا يلاقوا ثغرات يدخلوا منها..والدولة والشرطة هي اللي تشيل الشيلة وتدفع الفاتورة. ولما نبطل كورة مؤقت، قنوات هتقفل ...وناس مش هتاخد ملايين..و هنحقن الدماء ...ونحافظ علي الأرواح... .والدولة والشرطة توفر الفواتير اللي بتدفعها وتقطع الطريق علي اللي عاوزين يسقطوا الدولة والداخلية.يا تري نختار إيه ؟؟؟''.

الشاعر والناشط السياسي عبدالرحمن يوسف

''1 فبراير 2012 = مجرزة ألتراس أهلاوي، 8 فبراير 2014 = مجزرة وايت نايتس، والقاتل واحد وسنقتص منه قريبا جدا جدا''.

الكاتب الصحفي مصطفى بكري

'' لا اعرف سببا للارتباك والتسيب الحادث في الدولة، مأساة استشهاد وجرح العشرات اليوم في المباراة التي أقيمت بدار الدفاع الجوي لايجب ان تمر دون حساب، هذه كارثة وقعت بسبب التخبط والتسيب وعدم تقدير الظروف التي تمر بها البلاد، هذه مؤامرة علي مصر تسبق زيارة الرئيس بوتين، لماذا يبقي البعض دوما فوق القانون ،كفي طبطبة، الفوضى تنتشر دون رادع قوي وفاعل''.

الإعلامية جيهان منصور

'' المبرر الجاهز:ايه اللي وداهم هناك؟ ماتوا بالتدافع!، خلية إرهابية، مولوتوف، إخوان ،خربوا البلد! لا تعليق يا مصر!''

اللاعب محمد جدو

'' إنا لله و إنا اليه راجعون ... حسبنا الله ونعم الوكيل !!!''.

رجل الأعمال أشرف السعد

'' كل جريمة قتل في صحيفة ابن ادم الذى قتل اخيه الآن كل جريمة تحدث على أرض مصر ويمكن خارجها فى صحيفة الإخوان اقوله وأنا مطمئن وعلى يقين''.

الكاتب الصحفي جمال سلطان

'' الدم الحرام الذي هو أعظم حرمة من الكعبة المشرفة أصبح في مصر أرخص من تذكرة مباراة كرة ، يا ويل وطن يسترخص فيه الدم إلى هذا الحد ـ 20 قتيلا''.

الناشط السياسي عبدالرحمن عز

'' الداخلية عبارة عن قتلة مصاصين دماء ، لا يعيشوا الا على دماء الشباب''.

الناشطة السياسية نوارة نجم

'' هرتلة مصري أم الاجنبي.. طب اشرح ازاي؟ افرض دي قنبلة وكل اللي مات فيها داخلية مثلا.. الماتش يتلعب عادي؟، بوتن والشاطر وسينا؟ كل ده عشان ناس حاولوا يخشوا من غير تذكرة؟ على كده اللي في طابور الانابيب بيشتغلوا مع حماس، حاموت واعرف ايه دخل هيبة الدولة باللي ماتوا في سينا بناس رايحة تشجع كورة وعايزة تخش من غير تذاكر فيقوموا يتقتلوا.. يتقتلوا''.

الناشطة الحقوقية غادة شهبندر

'' كفرة يستاهلوا صيع يستاهلوا إخوان يستاهلوا ضباط يستاهلوا انقلابيين يستاهلوا التراس يستاهلوا بلطجية يستاهلوا لما نبرر القتل يبقى نستاهل !''

الناشطة السياسية سامية جاهين

'' وبطلوا تسموها اشتياكات بقى!!! الاشتباكات بتبقى بين طرفين مسلحين! مش شباب أعزل وداخلية بسلاح! اسمها اعتداء الأمن على المواطنين!''.

الفنان نبيل الحلفاوي

'' كل واحد بيحدد القاتل على هواه حسب موقفه المسبق وهوه قاعد على الكيبورد أو أمام الكاميرات وبمجرد سقوط أول ضحية. ومش مهم اللي ماتوا.المهم غرضه''.

الفنان خالد النبوي

'' وفاه28 مصري''.

الفنان حمزة نمرة

'' ربنا يهنيك براحة البال ياللي عايش الوهم''.

الإعلامية سلمى صباحي

'' ويا ترى نتيجة الماتش كام .. قتيل! #رحمتك_يارب''.

الفنانة سحر نوح

''مؤامرة''.

الفنانة سيمون

'' ولادنا كل ما يتفرجوا علي ماتشات يرجعوا في اكفان .....لم يتغير شئ روح رياضية والا روح دموية !''.

 

لمتابعة أهم وأحدث الأخبار اشترك الآن في خدمة مصراوي للرسائل القصيرة للاشتراك ...اضغط هنا