بالفيديو.. باسم يوسف يغني ''حلفي المجهول''

كتب – محمد الحكيم:

شارك الإعلامي الساخر الدكتور باسم يوسف في تقديم سكيتش غنائي بعنوان "حلفي المجهول" والذي يسخر خلاله مما قدمته بعض القنوات الفضائية من مستقبل العلاقات المصرية الروسية بعد زيارة المشير عبد الفتاح السيسي، وزير الدفاع والإنتاج الحربي، والتي ذكروا فيها العديد من الأخبار المبالغ فيها والغير موثقة من مصدرها.

ووجه باسم يوسف خلال تقديمه برنامج "البرنامج" المذاع على فضائية "إم بي سي مصر"، الجمعة، رسالة للإعلاميين قائلاً: " أعزائي الاعلاميين من فضلكم كفاية بروباجندا تأكدوا من مصادركم واحترموا عقول الناس.. بدل ما تلبسونا كلنا في الحيط".

وجاءت كلمات الأغنية كالتالي:

"أهو أنا أهو أنا ولا حد يدعم إلا أنا
أنا دب روسي وإتحاد سوفيتي قديم من كام سنة
أنا عندي عزوة والمدد
صواريخ كتير ملهاش عدد
كنا خمستاشر بلد مفضلش منهما إلا أنا
وأنا جاهز أدفع الثمن وأدي الجاكيتا مقدماً
نرجع العلاقات معاً ونحتفل بحلفائنا
والأمريكان.. ده كان زمان خلينا نرجع اللي كان
كلام جميل وكلام معقول مقدرش أقول حاجة عنه
لكن خيال حبيبي المجهول ..حبيبي.. مش لاقية فيك حاجة منه
سيبك منه ده مفيش غيري
أوباما ومكين وجون كيري
جرى إيه يا واد يا روسي
يا بتاع تشرنوبل
من كتر السلام ده احنا كنا جائزة نوبل
صواريخ مين يا حيلة ما تخليناش أغيظك
أسلحتك التقيلة دي تحطها في ششش
يلا يا صايص يا بتاع المعونة
موقفكم اللايص خلاهم يعزونا
أسلحة يعني روسيا
وروسيا يعني الروس
وسلاحنا بفلوسنا هانديكم ..لا
بلاش تمشي وراه ده بيعمل عليك مؤامرة
خد مني الكلام ده واد نجمته حمراء
أنا هاربيك ..هاتو ياشيكوفيتش
بس .. لكن خيال حبيبي المجهول ..حبيبي.. مش لاقية فيك حاجة منه
إعلامي عمال يزيد خرمت أنا ودني
أتاريني لابس في حيط مستني اللي ينجدني".

لمتابعة أهم وأحدث الأخبار اشترك الآن في خدمة مصراوي للرسائل القصيرة.. للاشتراك...اضغط هنا