إعلان

كم يصرف الصائمون على وجبة السحور في رمضان؟

01:21 م السبت 10 يونيو 2017

وجبة السحور

كتبت- إيمان منصور:

تعد وجبة السحور هي الوجبة الرئيسية الثانية التي يعتمد عليها الصائمون في رمضان، وعادة ما تشمل أطعمة خفيفة تحتوى على عناصر سهلة الهضم.

وتشمل وجبة السحور أيضا بعض العصائر أو منتجات الألبان التي تفيد في تقليل حدة العطش خلال ساعات الصوم.

ولم تسلم مكونات وجبة السحور من ارتفاع الأسعار الذي أصاب كل السلع والخدمات في مصر، وخاصة السلع الغذائية، بعد تعويم الجنيه في نوفمبر الماضي.

وقللت الأسر المصرية من الكميات التي تشتريها من الأغذية المخصصة للسحور أو بدلتها بأصناف أخرى أقل ثمنا.

تقول عبير ربة منزل، "طبعا قللت الكميات اللي بجيبها للسحور والفطار كمان، كل حاجة بقت غالية نار، رمضان اللي فات كنت أجيب جبنة بزيادة وزبادي أكتر دلوقتي كله بقا على القد".

ويتفق معها مصطفى صاحب سوبر ماركت، في أن "الناس مبقتش تشتري زي الأول، اللي كان بياخد السنة اللي فاتت كل يوم علبتين أو ثلاثة زبادي دلوقتى بقى يشتري علبة واحدة بس، والجبنة الثلاجة بقت أكثر أنواع الجبن اللي عليها إقبال بعد ما أسعار باقي الأصناف خاصة الجبنة الرومي ارتفعت أكتر من الضعف".

ورصد مصراوي، متوسط أسعار بعض مكونات وجبة السحور الرئيسية التي شهدت زيادات كبيرة، فكانت أسعارها كالتالي:

كيلو جبنة ثلاجة: 38 جنيها.

كيلو جبنة رومي: 80 جنيها.

كيلو بسطرمة: 140 جنيها.

علبة فول: 5 جنيهات.

كيلو حلاوة طحينية: 36 جنيها.

كيلو لانشون حلواني 80 جنيها.

كيلو لانشون عادي: 36 جنيها.

علبة زبادي طبيعية 2 جنيه، وعلبة زبادي جهينة 2.5 جنيه.

البيضة 1.5 جنيه.

فيديو قد يعجبك: