"لازم نفتخر ببلدنا".. أحد أعضاء "شباب يقدر" يكشف عن تفاصيل احتفالية رأس السنة بالمحلة
تطبيق مصراوي
لرؤيــــه أصدق للأحــــداث
كتب- محمد خميس:
قال محمود شعبان، أحد أعضاء حملة "شباب يقدر"، المنظم لاحتفالية رأس السنة بالمحلة الكبرى: "كان حلمنا أننا ننظم الاحتفالية بهذا الشكل في أكبر صرح صناعي في مصر"، مضيفًا: "أصررنا على حلمنا، وفي ناس كتير ساعدتنا بشكل كبير إننا نحقق الحلم ده".
وأوضح شعبان، خلال مداخلة هاتفية مع برنامج "مساء دي إم سي"، اليوم الأربعاء: "إحنا عددنا كبير وصعب يتم حصره، وبدأنا في الإعداد وتنفيذ الاحتفالية منذ وقت قريب جدًّا، ووصلنا إلى المرحلة دي؛ لأن هدفنا أن نفرح أهل المحلة وأن عندنا حاجات حلوة في بلدنا، وأننا لازم نفتخر أننا من المحلة الكبرى، وهدفنا هو أن نسلط الضوء على شركة مصر للغزل والنسيج التي تعتبر صرحًا كبيرًا جدًّا لازم مصر تفتخر به".
وتابع عضو حملة "شباب يقدر": "دي أول مرة يحصل احتفال برأس السنة وأول مرة يحصل كده في شركة مصر للغزل والنسيج، واحنا مش بنحس بنجاحنا إلا لما بنشوف النجاح، والحمد لله إن اليوم طلع بشكل مشرف وعلى قد إمكانياتنا"، موضحًا: "المحلة بلد جميل جدًّا، وكنا عايزين نقول للناس إن دي بلدنا، والسنة الجاية هتكون حاجة أكبر وأحسن من كده، وبدأنا السنة الجديدة بأحلام وطموحات جديدة، وهنعلِّي سقف طموحاتنا السنة الجاية بدعم أهلنا وأهالي المحلة".
فيديو قد يعجبك:
