إعلان

عمرو أديب عن أزمة "صلاح": "إذا كان حبيبك عسل متلحسوش كله" - فيديو

11:33 م الأحد 29 أبريل 2018
عمرو أديب عن أزمة "صلاح": "إذا كان حبيبك عسل متلحسوش كله" - فيديو

كتب - معتز عباس:

علق الإعلامي عمرو أديب، على أزمة لاعب منتخب مصر ونادي ليفربول الإنجليزي محمد صلاح مع الاتحاد المصري لكرة القدم، على خلفية استخدام صور اللاعب في اللوحات الدعائية والإعلانات، قائلاً: "إذا كان حبيبك عسل متلحسوش كله.. إحنا لم نعتد إن يكون عندنا لاعب زي صلاح ولازم نتعامل باحترافية مع ده".
وأضاف "أديب"، خلال تقديمه برنامج "كل يوم"، المذاع على فضائية "أون إي"، الأحد: "وأنا رايح أعمل معاه مقابلة في لندن اتعاملت معاه زي ما عاملت كريستيانو رونالدو نجم ريال مدريد، وليونيل ميسي نجم برشلونة، لأن مكانته غالية وكبيرة".
وقال: "الراجل عنده ماتشين نصف نهائي دوري الأبطال مع روما، وبعده ماتش مع تشيلسي، المفروض تركيزه يكون كبير في الماتشات، أنا مش عارف إزاي هيسافر لروسيا وهو مختلف مع اتحاد الكرة.. فريق ليفربول بيفكر يضاعف راتب صلاح، وإحنا عندنا بنتعامل معاه إنه ابننا ونعمل معاه اللي إحنا عايزين".
وتابع: "محمد صلاح لا قدر الله ممكن يصاب المباراة القادمة ويقعد في البيت، إحنا عندنا أيقونة لازم نهتم بيها.. وعصر العواطف في الكرة انتهى".

فيديو قد يعجبك: