عمرو أديب عن عودة "أبو تريكة" للمنتخب: هو محمد صلاح "خرونج"-فيديو

كتب - معتز عباس:

علق الإعلامي عمرو أديب، على مطالبات بعض الجماهير المصرية بعودة لاعب الأهلي السابق محمد أبو تريكة للمنتخب الوطني والمشاركة في مونديال كأس العالم في روسيا 2018، قائلًا: "قاعدين مبسوطين وفرحنين بالصعود طلع شوية يتكلموا ويقولوا ما تخدوا أبو تريكة.. يا جدعان أبو تريكة بطل من سنين، وطبعا فيه سياسين ادخلوا في الموضوع ".

وأضاف "أديب"، خلال برنامج "كل يوم"، المذاع على قناة "On E"، اليوم الثلاثاء، ساخرًا: "طيب على فكرة ما نرجع محمود الخطيب وأحمد شوبير وأحمد حسام ميدو، وبالمرة يدربوا مع الفريق، ويبقى ده فريق الستينات، معلش اصل المنتخب رايح روسيا يتفسح.. يعني فيه فريق تعب واجتهد وصعد كاس عالم مع كوبر تقولوا عايزين نجيب أبو تريكة.. يعني محمد صلاح او تريجية او عمرو جمال يقولوا اية.. الناس اللي سافت التراب صلاح عجز 10 سنين في ضربة الجزاء، ناس تعبت وعملت وتيجي تقولهم عايز ابو تريكة يعني صلاح "خرونج" ما بيعرفش يلعب كورة.. تاخدوهم لحم وترموهم عضم".

وتابع: "دا يبين قد اية المصريين مش شعب بيحب يتقدم لقدام وقد اية معندناش ثقة في أنفسنا والناس اللي معانا، ده عماد متعب هيتحنط زاي توت عنخ امون عشان يلعب مع المنتخب".