عمرو واكد: السيسي خسر أول اختبار شعبي حقيقي

كتبت- عبير القاضي:

دعا الفنان عمرو واكد، الشعب المصري للمشاركة في الانتخابات الرئاسية، قائلًا: ''المشاركة  استحقاق وطني فرض عين على كل مواطن مصري'' – على حد وصفه.

وقال واكد عبر حسابه الشخصي على تويتر اليوم الثلاثاْء: ''بلدك عمرها ما هتبقى ليك من غير صوتك. إنزل وإستمر في المحاولة الشريفة وهتقدر ترجعها بصوتك، لا تخدم مصالح الاخوان وتقاطع،  استثمر صوتك لمصلحتك ومصلحة بلدك اللي نفسك فيها. بلدي اللي بحلم بيها لا مكان للإحباط فيها''.

وأضاف: ''السيسي خسر بشكل واضح أول اختبار شعبية حقيقي بالأمس، ''هناك فرق بين شعبولا وشعبية''، وعلى المحبطين إعادة النظر لأن المأمورية طلعت سهلة جداً''.

وتابع: ''الانتخابات صوت من حقي والمظاهرات صوت أيضاً من حقي. انا مع أخذ حقي كامل. مش نصه. ولو انت راضي بنصه احترم اختيارك ولو انه بيطول المشوار''.

وتابع قائلا :''يا أخي مش إنت بتنزل في ستين مظاهرة وتنضرب وتنحبس؟ قدامك فرصة لنفس صوتك وممكن يوفر عليك المجهود الكبير ده،  نجرب كل حاجة،  كل طريقة بصوتك مؤثر ما حدش هيقول لك طالما إنتخبت ما تتظاهرش،  ده حقك وده حقك،  الـ٢ مهمين علشان تكمل حلمك وتحققه، مش طريقة واحدة الفعالة الـ٢ مؤثرين، و لو كنت مشيت في خطا الإحباط كان زماني ولا لعبت مزيكا وانا علمت نفسي على فكرة ولا كنت مثلت. وكان زمان حلمي بيصغر كل يوم، أرجوك حارب إحباطك''.

لمعرفة مكان لجنتك الانتخابية اضغط هنا

لمتابعة أهم وأحدث الأخبار اشترك الآن في خدمة مصراوي للرسائل القصيرة.. للاشتراك ...اضغط هنا