Mohamed Ismail
116

تقييم الكاتب:116

Mohamed Ismail

تقييم الكاتب :116

بتاريخ : 01/09/2010 07:58:00 م- المشاهدات : 2771

مين اللي يقدر ساعه يحبس مصر

مين اللي يقدر ساعه يحبس مصر

اسم السلسلة: واحة الشعر


 

اتجمعوا العشاق ..


اتجمعوا العشاق ف سجن القلعة ..


اتجمعوا العشاق ف باب الخلق ..


والشمس غنوة من الزنازن طالعة ..


ومصر غنوة مفرعة ف الحلق ..


اتجمعوا العشاق ف الزنزانة ..


مهما يطول السجن مهما القهر ..


مهما يزيد الفجر بالسجانة ..


مين اللي يقدر ساعة يحبس مصر ..

 


اتجمعوا والعشق نار ف الدم ..


نار تحرق الجوع والدموع والهم ..


نار تشتعل لما القدم ينضم ..


لما الأيادي تفور ف لم اللحم ..


و اللحم متنتور ف رملة سينا ..


و الكدب بيحجز على أيادينا ..


قدم العدو غارسة ف لحم ترابي ..


و الكدب عشش مخبرين على بابي ..


والمخبرين خارجين كلاب سعرانة ..


بيجمعوا العشاق ف الزنزانة ..


مهما يطول السجن مهما القهر ..


مهما يزيد الفجر بالسجانة ..


مين اللي يقدر ساعة يحبس مصر ..

 

مصر النهار يطلقنا ف الميادين ..


مصر البكا مصر الغنا والطين ..


مصر الشموس الهالة م الزنازين ..


هالة وطارحة بدمنا بساتين ..


مصر الجناين طارحة مين يقطفها ..


مصر الجناين للي يرفع سيفها ..


مهما يطول السجن مهما القهر ..


مهما يزيد الفجر بالسجانة ..


مين اللي يقدر ساعة يحبس مصر


 

المصدر: الشاعر أحمد فؤاد نجم

اسم السلسلة: واحة الشعر

موقع مصراوي غير مسئول بأي شكل من الأشكال عن المحتوى المنشور بالاعلى او مصدره او صحته وتقع كافة المسئوليات الأدبية والقانونية على عاتق المشترك بمقتضى اشتراكه.

تقييم:

مستخدم قيم هذه المقالة


مقالات اخرى لنفس الكاتب

تصنيف بــ :

التعليقات

اضف تعليق

رتب التعليقات

التعليقات

(0) تعليق
الصفحة

أحدث الصور

أحدث الفيديوهات

الآن يمكنك إنشاء حساب جديد للدخول على كتابات بإستخدام حسابك على الفيس بوك.

مساحة إعلانية

أكثر الكلمات بحثا

أكثر المقالات

افضل الكتاب